Viongozi wa UKAWA
VYAMA vya siasa vinavyounda Umoja wa Katiba ya Wananchi (UKAWA),
vimetaka sheria ya maadili itungwe upya ili kuweka uwazi wa watu wote
kuona taarifa ya mali za viongozi.
Vyama hivyo vinaamini hatua hiyo, itasaidia wananchi wote kujua mali
halisi za viongozi na pia itasaidia kupunguza ufisadi, kutokana na
wananchi kutambua ukweli wa mali za viongozi wao.
Hayo yamesemwa na Mwenyekiti wa umoja huo, Profesa Ibrahim Lipumba
wakati akizungumza na waandishi wa habari jijini Dar es Salaam jana
kuhusu hatua zinazostahili kuchukuliwa, kutokana na suala la uchotwaji
wa fedha katika akaunti ya Tegeta Escrow.
Asante kwa kutembelea blog hii ya Jambo Tz,
ili kuboresha blog yetu tunatoa fulsa ya kutangaza matangazo mbalimbali
na pia kutoa maoni yako kupitia namba ya simu (WhatsApp & SMS) 0715
221198, E-mail jambotz8@gmail.com. Merry Chistmass & Happy New Year.
Alisema katika kikao kijacho, Bunge linatakiwa kufikiria kuiwajibisha
Serikali kwa kutotekeleza kikamilifu maazimio yake. “Vyama vya siasa
vya Ukawa kwa kushirikiana na wabunge, vitaendelea kuelimisha umma
kuhusu ufisadi wa akaunti ya Tegeta Escrow, ili wananchi waelewe juu ya
ufisadi huu,” alisema Lipumba.
Aidha, alisema umoja huo utaitisha maandamano nchi nzima ya kuulani
kile kinachoitwa ufisadi wa Escrow na kushinikiza utekelezaji wa
maazimio ya Bunge, iwapo maazimio yote yaliyopendekezwa hayatatelezwa.
Alisema hatua za kisheria zichukuliwe dhidi ya wote waliosababisha
ufisadi huo na walionufaika na fedha hizo. Mwenyekiti wa NCCR-Mageuzi,
James Mbatia alisema umoja huo unahitaji kuwa na taifa lenye umoja kwa
sababu Tanzania ni ya wananchi wote na hakuna mwenye hatimiliki ya
Tanzania.
“Yale maazimio nane ya Bunge ni wananchi, Bunge ni chombo cha
wananchi na ni mazimio ya maridhiano ya kuliweka taifa pamoja,” alisema
Mbatia.
Alisema maandamano hayo yatakayofanyika, yatakuwa na lengo la
kuwaeleza Watanzania ukweli na si vinginevyo. Lakini wakati hao
wakifikiria kufanya hayo, Rais Kikwete, wakati akilihutubia taifa
kupitia wazee wa mkoani wa Dar es Salaam mwishoni mwa wiki, alitoa
majibu ya maazimio yote nane ya Bunge, ikiwa pamoja na kumwajibisha
Waziri wa Ardhi, Nyumba na Maendeleo ya Makazi, Profesa Anna Tibaijuka
ambaye uteuzi wake umetenguliwa.
Aidha, Katibu Mkuu wa Wizara ya Nishati na Madini, Eliakim Maswi
amesimamishwa kazi ili kupisha uchunguzi dhidi ya tuhuma zinazomkabili,
huku Waziri wa Nishati na Madini, Profesa Sospeter Muhongo, akiwekwa
kiporo.
Mwanasheria Mkuu wa Serikali, Jaji Frederick Werema naye amejiuzulu,
akisema ushauri wake katika sakata la Escrow haukueleweka, ingawa
anasisitiza hakuona kosa lolote.
Akitolea maamuzi ya maazimio mengine, akianzia na lile linalotaka
Serikali iangalie uwezekano wa kuchukua mitambo ya kufua umeme ya IPTL
na kuimilikisha kwa TANESCO kwa mujibu wa Sheria za nchi, Rais Kikwete
alisema ni jambo linalowezekana.
Hata hivyo, alitaka busara itumike kwa kuwa uamuzi huo unaweza
kupeleka ujumbe mbaya kwa wawekezaji, na hivyo kuwakatisha tamaa ya
kuwekeza nchini.
Kuhusu azimio la uwazi wa mikataba, alisema ni wazo zuri, hivyo
serikali na Bunge watakaa kutafuta namna bora ya kisheria katika
mikataba.
Azimio jingine limetaka Taasisi ya Kuzuia na Kupamba na Rushwa
(TAKUKURU), Jeshi la Polisi na vyombo vingine husika vya ulinzi na
usalama, vichukue hatua stahili kwa mujibu wa sheria za nchi yetu dhidi
ya watu waliotajwa kwenye taarifa maalum ya Kamati husika na vitendo
vyote vya kijinai kuhusu miamala ya Akaunti ya Escrow, na watu wengine
watakaogundulika kufuatia uchunguzi mbalimbali unaoendelea kuhusu
kuhusika kwao katika vitendo hivyo vya jinai.
Akijibu kuhusu azimio hilo, Rais Kikwete alisema: “ Vyombo husika
vimekwishaagizwa kufanya hivyo na kazi imeanza na inaendelea. Ikiwa wapo
watu wenye makosa hatua zitachukuliwa kwa mujibu wa sheria.”
Alijibu pia azimio la kutaka wenyeviti wa Kamati za Bunge waliotajwa
katika sakata la Escrow wavuliwe nyadhifa, alisema hilo liko chini ya
mamlaka ya Bunge lenyewe, hivyo ameachia waamue.
Kuhusu uundwaji wa Tume ya Kijaji ili kuchunguza utovu wa maadili
dhidi ya Jaji Aloysius Mujulizi na Jaji Profesa Eudes Ruhangisa wa
Mahakama Kuu ya Tanzania, alisema amelipokea, lakini suala hilo
linapaswa kuanzia kwenye mhimili wa Mahakama yenyewe na siyo kwa Rais au
Bunge, hivyo Jaji Mkuu ndiye anayepaswa kulishughulikia.
Rais Kikwete pia alitoa maelezo na maamuzi mengine kuhusu maazimio ya
Bunge, aliyosisitiza anayeheshimu, hivyo kwa ujumla kuonekana kukonga
nyoyo za wengi waliokuwa wanasubiri kusikia kauli na maamuzi yake juu ya
sakata la Escrow, lililoibua mjadala mzito wakati wa Mkutano wa 16 na
17 wa Bunge, ulioketi kwa mwezi mmoja hadi Novemba 28 mwaka huu.
Asante kwa kutembelea blog hii ya Jambo Tz,
ili kuboresha blog yetu tunatoa fulsa ya kutangaza matangazo mbalimbali
na pia kutoa maoni yako kupitia namba ya simu (WhatsApp & SMS) 0715
221198, E-mail jambotz8@gmail.com. Merry Chistmass & Happy New Year.
Na Habari Leo
No comments:
Post a Comment