VAN PERSIE AJIUNGA NA UNITED ZIARANI, ROONEY ABAKI NJIA PANDA BAADA YA MOYES KUSISITIZA KUMSAJILI FABREGAS

Karudi kazini: Robin van Persie amerudi na kujiunga na Manchester United katika ziara yao Sydney

Maisha ya Rooney ya baadaye katika klabu yake ya United bado haijulikani

 

Moyes amesema atamhitaji Rooney endapo tu Robin Van Persie atakuwa majeruhi

 

Robin van Persie akiwasili kujiunga na Manchester United katika hoteli Sydney

 

Moyes ameweka wazi kuwa msimu ujao bado jembe lake, ARV litatumika kutetea ubingwa wao, na Rooney atasubiri mpaka akipata majeraha

Meneno hayo ya busara kwa upande wa pili: Wakati Moyes akisema hayo, bosi wa Chelsea, Jose Mourinho ameweka wazi nia yake ya kumhitaji Rooney, lakini Moyes alitangaza kuwa nyota huyo hauzwi

*******

Kocha wa Mabingwa wa soka nchini England, Manchester United, David Moyes ameweka wazi mpango wake wa kutafuta kiungo mshambuliaji mpya, huku akithibitisha kuwa mshambuliaji wake hatari, raia wa Uholanzi, Robin Van Persie atakuwa mshambulaiji wake namba moja msimu ujao na kuleta hofu kubwa juu ya hatima ya baadaye ya Wayne Mark Rooney, dimbani Old Trafford. 

Inafahamika kuwa Moyes anataka kumleta kiungo mshambuliaji wa FC Barcelona, Cesc Fabregas mwenye uwezo na ujuzi wa hali ya juu kumudu nafasi yake na kama dili litafanikiwa basi nafasi ya Rooney itakuwa mahali pabaya sana. 

Katika mfumo wa kocha mpya wa United, inafahamika wazi kuwa nyota raia wa Japan, Shinji Kagawa, atatumika kama namba kumi nyuma ya Robin Van Persie, hivyo hali hiyo kumshangaza Rooney wapi atacheza.

Lakini katika mahojiano aliyofanya Asia, Moyes alisema bado anatamani kumbakisha Rooney, ambaye amerejea England baada ya kupata majereha ya nyama za paja. Pia alisisitiza kuwa nyota huyo mwenye umri wa miaka 27, bado ana umuhimu mkubwa sana katika kikosi chake.

Hata hivyo, Mkurugenzi mkuu wa Manchester United, Ed Woodward alisisitiza kuwa klabu hiyo haina mpango wa haraka kuzungumza na Rooney juu ya kuongeza mkataba wake kwani bado ana miaka miwili zaidi, lakini nyota huyo anaonekana kuwa na nia ya dhati kutaka kuihama klabu hiyo.

Wakati huo huo Jembe la United, Robin Van Persie limewashawasili kujiunga na wenzao katika ziara ya maandalizi ya msimu mpya wa ligi kuu nchini England ambapo United watakuwa wanatetea taji lao walilotwaa msimu uliopita.

Na Baraka Mpenja kwa Msaada wa Sportsmail.com