MTOTO mmoja
wa kike ameuawa kinyama kwa kukatwa na kitu chenye ncha kali kisha kunyofolewa
macho na ubongo wake.
Tukio hilo
la kikatili, limetokea mwishoni mwa wiki eneo la Idiwili kata ya Isuto wilaya
ya Mbeya vijijini mkoani hapa.
Mtoto huyo
wa kike, asiye na hatia, mwenye umri wa miaka miwili, aliyejulikana kwa jina la
Lilian Nex Kasonso, alikatishwa uhai wake kwa makusudi kisha mwili wake
kutelekezwa chini ya mti.
Baadhi ya
wananchi wa eneo hilo waliozungumza mwandishi wa habari hii wamesema kuwa, Mama wa mtoto huyo, alimwacha
mwanae akiwa salama mikononi mwa bibi yake kisha yeye kwenda kutafuta kuni.
Punde, Bibi
yake Lilian, naye alienda kuchota maji mtoni huku akimwacha mjukuu wake akiwa
na furaha tele, ndipo majitu hayo makatili, kwa makusudi walimteka mtoto huyo
kisha kutokomea naye pasipo mtu kuwaona ama kuwashitukia.
Mama wa
marehemu aliporejea na kuuliza mwanae yupo wapi, ndipo ikawa kama amewazindua
ndugu waliokuwepo jirani kisha ikapigwa nkolo ya kutaka msaada, wananchi
wakasambaa na kuanza kumsaka mtoto Lilian. Endelea kutembelea jambotz8.blogspot.com kila siku.
Wakiwa
katika harakati za mahangaiko ya kumtafuta, wananchi wanasema, walimuona mtu
mmoja kwa mbali akiwa amevalia shati jeupe ndani ya mashamba ya kahawa, na
walipojaribu kumfuatilia aliwatoroka na walipofika eneo ambalo alionekana mtu
huyo, lahaula, wakaona majani ya kahawa yakiwa juu ya mwili wa mtoto Lilian.
Wakaanza
kuona miguu, na walipofunua zaidi, wakashtuka kumkuta Lilian akiwa amefariki,
huku mwili wake ukiwa hauna tena macho na ubongo ukiwa umechokonolewa na kwa
dhihaka kubwa ya wauaji hao, wakaweka gogo la mti lenye ukubwa wa mkono wa mtu
mzima juu ya kichwa chake.
Askari
polisi walitaarifiwa na kufika eneo la tukio ambapo baadhi yao wakiwa wamevalia
sare la Jeshi hilo, wakajikuta wanaangua kilio na kusema kuwa hawajawahi kuona
mauaji ya kikatili namna hii.
Kamanda wa
polisi wa mkoa wa Mbeya Diwani Athumani, amesema halitasalia jiwe juu ya jiwe
kwa waalifu wa aina yeyote wanaofanya matukio mkoani hapa.
......................................................................................................
MBEYA VIJIJINI. MAUAJI
MNAMO
TAREHE 04.08.2013 MAJIRA YA SAA 18:40HRS HUKO IKUMBI-SONGWE WILAYA YA MBEYA
VIJIJINI MKOA WA MBEYA. NASIBU S/O MATINYA, MIAKA 25, MHEHE, MKULIMA, MKAZI WA SONGWE
ALIUAWA KWA KUPIGWA NA KUNDI LA WANANCHI WALIOAMUA KUJICHUKULIA SHERIA MKONONI
KWA KUTUMIA MAPANGA, MAWE NA FIMBO KISHA KUMCHOMA MOTO. CHANZO NI TUHUMA ZA
WIZI BAADA YA MAREHEMU KUIBA MAHINDI DEBE 3 MAHARAGE BAKURI 10, DOTI 3 ZA
VITENGE NA PAMPU YA BAISKELI 1 NYUMBANI KWA HEBRON S/O MWAKIMONYA. KAMANDA WA
POLISI MKOA WA MBEYA KAMISHANA MSAIDIZI WA POLISI DIWANI ATHUMANI ANATOA WITO
KWA JAMII KUACHA MARA MOJA TABIA YA KUJICHHUKULIA SHERIA MKONONI NA BADALA YAKE
KUWAFIKISHA WATUHUMIWA WANAOWAKAMATA KATIKA MAMLAKA HUSIKA ILI SHERIA ICHUKUE
MKONDO WAKE.
WILAYA YA MOMBA - MAUAJI
MNAMO TAREHE
02/08/2013 MAJIRA YA SAA 19:00HRS HUKO KIJIJI CHA LUMBILA WILAYA YA MBOZI MKOA
WA MBEYA, MSAWILE S/O HALINGA, MIAKA 70, MKULIMA MNYIHA, NA MKAZI WA KIJIJI CHA
LUMBELA ALIUWA KWA KUKATWA NA SHOKA SEHEMU ZA MGONGONI, SHINGONI NA KICHWANI
AKIWA NYUMBANI KWAKE NA MKE WAKE AITWAYE ESTER D/O MGALA, MIAKA 60, MKULIMA,
MNYIHA NA MKAZI WA KIJIJI HAPO KUJERUHIWA SEHEMU ZA MKONO WA KULIA NA KICHWANI
WAKATI AKIJARIBU KUMSAIDIA MUMEWE NA MTU/WATU WASIOFAHAMIKA. CHANZO CHA MAUAJI
HAYO NI IMANI ZA KISHIRIKINA, MBINU ILIYOTUMIKA NI KUMWITA MAREHEMU SEHEMU ZA
KIZANI NA KISHA KUMSAMBULIA. JUHUDI ZA KWASAKA WATUHUMIWA WALIOHUSIKA NA TUKIO
HILO ZIENDELEA. KAMANDA WA POLISI MKOA WA MBEYA KAMISHNA MSAIDIZI WA POLISI
DIWANI ATHUMANI ANATOA WITO KWA JAMII KUACHA MARA MOJA TABIA KUWAUWA
WAZEE/VIKONGWE KWA DHANA ZA KISHIRINA KWANI NI KINYUME CHA SHERIA NA PIA ANATOA
RAI WA YEYOTE MWENYE TAARIFA JUU YA WALIOHUSIKA NA TUKIO HILO AZITOE KATIKA
MAMLAKA ZINAZOHUSIKA ILI WAKAMATWE NA HATUA ZA KISHERIA ZIWEZE KUCHUKULIWA
DHIDI YAO.
WILAYA YA RUNGWE –
MAUAJI
MNAMO TAREHE
30-31/07/2013 MAJIRA YASIYOFAHAMIKA HUKO KIJIJI CHA MPUMBULI KATA YA MPUGUSO
WILAYA YA RUNGWE, LUKAS S/O MWAKYOMA, MIAKA 50, MNYAKYUSA, MKULIMA NA MKAZI WA
KIJIJI CHA MPUMBULI ALIUAWA NA RAMADHANI S/O MWAKYOMA, MIAKA 45, MNYAKYUSA, MKULIMA
WA MPUMBULI NA GODWIN S/O MWAKYOMA, MIAKA16, MWANAFUNZI WA KIDATO CHA PILI SHULE YA SEKONDARI MPUMBULI KWA
KUPIGWA NA FIMBO SEHEMU ZA KICHWANI NA KUVUNJWA SHINGO KISHA KUFUKIWA KWENYE
SHIMO LA UREFU WA FUTI MBILI {2}. MNAMO TAREHE 03/08/2013 MAJIRA YA SAA
16:00HRS MWILI WA MAREHEMU ULIGUNDULIWA NA KUFUKULIWA KISHA KUZIKWA UPYA BAADA
YA UCHUNGUZI WA DAKTARI. CHANZO CHA MAUAJI HAYO NI UGOMVI WA MASHAMBA NA
WATUHUMIWA WOTE WAMEKAMATWA. KAMANDA WA POLISI MKOA WA MBEYA KAMISHANA MSAIDIZI
WA POLISI DIWANI ATHUMANI ANATOA WITO KWA JAMII KUACHA MARA MOJA TABIA YA KUJICHHUKULIA
SHERIA MKONONI NA BADALA YAKE KUYATATUA MATATIZO/MIGOGORO YAO KWA NJIA YA MAZUNGUMMZO
ILI KUEPUSHA MADHARA YANAYOWEZA KUJITOKEZA.
Imesainiwa
na,
[DIWANI ATHUMANI - ACP]
KAMANDA WA POLISI
MKOA WA MBEYA.
Na, Mwandishi wa kalulunga blog
