Mwenyekiti wa Tume ya Taifa ya kuchunguza
kushuka kwa kiwango cha ufaulu kwa wanafunzi wa kidato cha nne mwaka
2012 Prof. Sifuni Mchome (katikati)akizungumza na waandishi wa habari
leo jijini Dar es salaam kuhusu kuanza kwa zoezi la ukusanyaji wa maoni
kutoka wadau mbalimbali. Wengine ni Mkurugenzi wa Idara ya Habari
(MAELEZO) Assah Mwambene (kushoto) na Bi.Tunu Temu mjumbe wa
Sekretarieti ya Tume hiyo.
…………………………………………………………………
Na. Aron Msigwa -MAELEZO, Dar es salaam.
Tume
ya Taifa iliyoundwa na Mh. Waziri mkuu Mizengo Pinda kuchunguza kushuka
kwa kiwango cha ufaulu kwa wanafunzi wa kidato cha nne mwaka 2012
imewaomba watanzania kuipa ushirikiano kwa kutoa maoni yao ili iweze
kukamilisha majukumu iliyopewa kwa muda na ufanisi mkubwa.
Akizungumza
na waandishi wa habari leo jijini Dar es salaam Mwenyekiti wa Tume hiyo
Prof.Sifuni Mchome ameeleza kuwa tume hiyo ilianza kazi mara baada ya
kuzinduliwa na Waziri mkuu tarehe 2 mwezi Machi mwaka huu na kufafanua
kuwa jukumu lililopo sasa ni kuanza kazi ya kukusanya maoni kutoka kwa
watanzania ili kubaini sababu za matokeo mabaya ya mtihani huo.
Amesema kuwa
tume hiyo pamoja na mambo mengine imepewa jukumu la kutoa mapendekezo
ya hatua za kuchukua ili kukabiliana na tatizo la mwenendo wa kushuka
kwa kiwango cha elimu nchini huku mapendekezo hayo yakizingatia kipindi
cha muda mfupi , kati na kipindi cha muda mrefu.
Prof.
Sifuni ameeleza kuwa tume hiyo inafanya kazi kwa kuzingatia
hadidu mbalimbali za rejea zikiwemo kubainisha sababu za matokeo mabaya
ya kidato cha nne 2012, sababu za kushuka kwa kiwango cha
ufaulu, nafasi ya Halmashauri katika kusimamia elimu ya sekondari katika
halmashauri zake.
Rejea
nyingine ni pamoja na pamoja na kuanisha sababu nyingine zinazoweza
kuwa zimechangia hali ya matokeo hayo pamoja na kutoa mapendekezo ya
hatua za kuchukua mara moja kwa wanafunzi 240,903 waliofeli mitihani yao
kwa kupata daraja sifuri.
Amefafanua
kuwa tume katika kutekeleza majukumu yake itapitia mitaala na
mihutasari ya Elimu ya Msingi na Sekondari, kutathimini kiwango na
mazingira ya ufundishaji na ufunzaji, kuangalia mfumo wa upimaji na
tathmini ya mitihani pia usimamizi na uendeshaji.
Pia
pamoja na mambo mengine tume itatathmini mchango wa jamii na wazazi/
walezi katika maendeleo ya wanafunzi, hali ya upatikanaji wa chakula cha
mchana, upungufu wa majengo ya shule,madarasa, maabara na maktaba.
Vilelevile
tume hiyo itafuatilia mwamko wa wazazi katika kufuatilia mkazo wa
eliimu kwa watoto na suala la mmomonyoko wa maadili unaotokana na ukuaji
wa utandawazi hususan teknolojia ya Habari na Mawasiliano na kutathmini
athari ya mfumo wa ufundishaji wa mikondo miwili iliyopo katika shule
za Zanzibar.
Aidha
mwenyekiti wa Tume hiyo amebainisha kuwa tume itaanza rasmi kukutana na
wadau mbalimbali kwa lengo la kupata maoni kuanzia tarehe 11 mwezi huu
kwa kuanza na mkoa wa Dar es salaam, Zanzbar na maeneo mengine nchini
kwa kukutana na viongozi wa ngazi mbalimbali za Wizara, Mikoa, Wilaya,
Halmashauri, Kata, Shule, Taasisi mbalimbali za kijamii na wananchi kwa
ujumla na pia kuwasilisha maoni kwenye tume kupitia Mwenyekiti wa Tume,
Tume K4-2012, S.L.P 5909 Dar es salaam au kupitia simu 0737206038, Barua
pepe: maoni@tumek4.go.tz au kwa kutembelea Tovuti ya tume ya www.tumek4.go.tz.
Mwenyekiti wa Tume ya Taifa ya kuchunguza
kushuka kwa kiwango cha ufaulu kwa wanafunzi wa kidato cha nne mwaka
2012 Prof. Sifuni Mchome (katikati)akizungumza na waandishi wa habari
leo jijini Dar es salaam kuhusu kuanza kwa zoezi la ukusanyaji wa maoni
kutoka wadau mbalimbali. Wengine ni Mkurugenzi wa Idara ya Habari
(MAELEZO) Assah Mwambene (kushoto) na Bi.Tunu Temu mjumbe wa
Sekretarieti ya Tume hiyo.
Waziri
wa Wizara ya Utalii na Utamaduni wa Zambia Mh. Sylvia Masebo kipokea
zawadi kutoka kwa Mkurugenzi wa Bodi ya Utalii Tanzania (TTB) Dk. Aloyce
Nzuki Mara baada ya kutembelea katika banda la Tanzania na kukutana na
viongozi Kadhaa wa Wizara ya Maliasili na Utalii na kufanya nao
mazungumzo kuhusiano na ushirikiano kati ya Zambia na Tanzania katika
masuala ya Utalii Bodi ya Utalii Tanzania inaongoza ujumbe wa
Wafanyabiashara ya Utalii zaidi ya 43 kutoka nchini Tanzania katika
maonyesho ya dunia ya (ITB) yanayofanyika kwenye jengo la Mense Berlin
jijini Berlin UjerumaniWaziri
wa Wizara ya Utalii na Utamaduni wa Zambia Mh. Sylvia
Masebo akisikiliza kwa makini wakati Mkurugenzi wa Utalii Wizara ya
Maliasili na Utalii Bw. Ibrahim Mussa akizungmuza wakati waziri huyo
alipotembelea banda la Tanzania katika maonyesho ya (ITB) jijini Baerlin
jana katikati ni Katikati ni Balozi Chiti Balozi wa Zambia nchini
Ujerumani
