MAELFU WAMUAGA PAPA WEMBA, KUZIKWA KESHO JUMATANO

Mwili wa mwimbaji nguli wa muziki wa dansi nchini DR Congo, Papa Wemba, ambao upo ndani ya Nchi hiyo jana na leo maelfu wamejitokeza kuuaga mwili na kutoa salamu zao na unatarajia kuzikwa kesho siku ya Jumatano 04 Mei 2016. 

Maelfu ya waombolezaji hao walijitokeza kuadhimisha misa ya wafu kwa heshima ya mwanamuziki nyota huyo wa muziki wa Soukus na Rhumba. Tayari Serikali imetangaza siku tatu za maombolezo kuanzia leo hadi jumatano atakapozikwa kijijini kwao Molokai na utalala kijijini kwake leo na taratibu za mazishi hiyo kesho.

 
Mwili wa Papa Wemba ukitembezwa mitaa mbalimbali ya Jiji la Kinshasa DR Congo.
Tangaza biashara yako hapa. Pia like page yetu ya facebook Jambo Tz. tu-follow instagram @jambotz.

Kwa ratiba hiyo inaonyesha  baada ya mwili huo kulala kwa siku moja katika kijiji cha Papa Wemba na kuendelea na sara na mambo ya mila na kufuatia maziko Papa Wemba alifariki hivi karibuni jijini Abidjan nchini Ivory Coast ambapo awali alipoteza fahamu akiwa jukwaani alipokuwa akitumbuiza baada ya kuanguka na kukimbizwa hospitali.

KOCHA WA AZAM ALAUM WACHEZAJI WAKE

KOCHA msaidizi wa Azam FC, Denis Kitambi, amewatupia lawama washambuliaji wake kwa kushindwa kufuata maelekezo ya walimu, kiasi cha kuyumbisha mwenendo wa timu hiyo katika mbio za ubingwa wa Ligi Kuu Tanzania Bara.

Kitambi aliyasema hayo baada ya kumalizika kwa mchezo wao na Simba na timu hizo kutoka sare ya 0-0, katika mechi ya ligi iliyochezwa kwenye Uwanja wa Taifa jijini Dar es Salaam. Kitambi alisema, sare hiyo imefifisha mbio zao katika kuwania taji la Ligi Kuu linaloshikiliwa na Yanga.

“Washambuliaji wetu wana kiwango kizuri, lakini hakuna faida ya kuonyesha uwezo bora ikiwa unashindwa kuipatia timu yao mabao. Tangaza biashara yako hapa. Pia like page yetu ya facebook Jambo Tz. tu-follow instagram @jambotz.

LEICESTER CITY MABINGWA WAPYA EPL

Klabu ya soka ya Leicester City wameshinda taji la ligi kuu England katika historia inayovutia kwenye ligi hiyo. Suluhu ya 2-2 waliyoipata Tottenham dhidi ya Chelsea siku ya jumatatu usiku ilisababisha mafanikio hayo makubwa kuwahi kutokea kwa upande wa Claudio Ranieri.

Leicester walianza kampeni zao za ubingwa huku wakipewa nafasi moja tu kati ya 5000 kushinda taji la ligi na pia wakitoka katika janga la kutaka kushuka daraja. Lakini wamepoteza michezo mitatu tu katika kile kinachotafsiriwa kama hadithi za kale na ushindi wa kipekee katika timu hiyo. 

Wapinzani wao wa karibu Spurs, Arsenal,Manchester City, Manchester United na washindi wa ligi msimu uliopita Chelsea wameshindwa kuwazuia mbweha katika msimu mzima wa ligi.

MWILI WA MAMA LUCY KIBAKI WAWASILI NCHINI KENYA

 Mama Lucy Kibakienzi za uhai wake.

Mwili wa mke wa aliyekuwa rais wa Kenya Mwai kibaki , mama Lucy Kibaki umewasili leo alfajiri mjini Nairobi ukitokea London Uingereza na kutumbukiza taifa zima katika kipindi cha maombolezi.

Mabaki ya bi Kibaki yalilakiwa katika uwanja wa ndege wa Jomo Kenyatta na rais Uhuru Kenyatta Naibu wake William Ruto na viongozi na wakenya wa haiba mbalimbali mwendo wa saa kumi na moja. Ndege iliyoileta familia ya rais Kibaki ilitua saa kumi na moja na dakika tatu na kupewa hadhi ya kitaifa.

AL SHABAB WAUA WANAJESHI 30 WA SOMALIA

Wanamgambo wa Al Shabab.

Wapiganaji wa Kiislamu wa Somalia, Al Shabab wanasema wamewauwa wanajeshi wa serikali zaidi ya 30. Al Shabab, wanadai kutekeleza mauaji hayo walipoteka tena kijiji cha Runorgood, Kaskazini-Mashariki mwa mji mkuu wa Somali Mogadishu.

Wenyeji wa kijiji hicho wamethibitisha, kwamba kijiji chao kinadhibitiwa tena na wanamgambo wa Al Shabab.

Wanamgambo wa Al Shabab.

Wapiganaji hao walikuwa wametimuliwa kutoka kijiji hicho hapo jana. Kwengineko nchini Somalia, watu kama watatu waliuwawa, kwenye shambulio la bomu, katika soko la mifugo huko Qoryoolay, inavoelekea shambulizi hilo lililengwa maafisa wa kukusanya kodi wa serikali.

SIMBA, AZAM ZATOKA SARE YA BILA KUFUNGANA

SIMBA SC imelazimisha sare ya bila kufungana na Azam FC katika mchezo wa Ligi Kuu ya Vodacom Tanzania Bara jioni ya leo Uwanja wa Taifa, Dar es Salaam.

Matokeo hayo yatapokewa kwa furaha na mahasimu, Yanga ambao sasa wanaongoza Ligi Kuu kwa wastani wa pointi sita kuelekea mechi nne za mwisho. Kwa sare hiyo ya 0-0, Azam FC inafikisha pointi 59, wakati Simba sasa inakuwa na pointi 58, nyuma ya mabingwa watetezi, Yanga wenye pointi 65 baada ya timu zote kucheza mechi 26.

Katika mchezo huo uliochezeshwa na refa Mathew Akrama wa Mwanza, aliyesaidiwa na washika vibendera Abdallah Mrisho wa Pwani na Omar Kambangwa wa Dar es Salaam hakukuwa na mashambulizi ya kusisimua na timu zote zilionekana kucheza kwa tahadari kupita kiasi, hivyo kuufanya mchezo upooze. 

WAZIRI MKUU "TUTAUFANYIA KAZI USHAURI WA WAZIRI MKUU"

Waziri Mkuu Kassim Majaliwa amesema Serikali imeupokea na itaufanyia kazi ushauri wa Mbunge wa Kigoma Mjini (ACT-Wazalendo), Zitto Kabwe aliyetaka Benki ya Standard ICBC ya Uingereza na kampuni dada ya Stanbic Tanzania kuchunguzwa juu ya mkopo wa hatifungani wa Sh1.2 trilioni ambao umegubikwa na ufisadi.

Zitto alitoa kauli hiyo juzi wakati akichangia mjadala wa bajeti ya Ofisi ya Rais-Tamisemi na Utawala Bora mwaka 2016/17 na kutaka Bunge liunde kamati teule kuchunguza suala hilo na ukweli ukibainika, Serikali itakwepa kulipa deni la Sh2 trilioni ambazo Tanzania inatakiwa kulipa ikiwa ni deni na riba.

Majaliwa alitoa kauli hiyo jana mjini Dodoma baada ya kuulizwa swali na waandishi wa habari juu na hatua ambazo Serikali imezichukua kutokana na sakata hilo linalodaiwa kuwa na harufu ya ufisadi, kwamba baada ya uchunguzi kukamilika taarifa itatolewa.

MAGUFULI ATINGA CRDB KAMA RAIA WA KAWAIDA...!!!

Rais John Pombe Magufuli akiondoka katika benki ya CRDB, Tawi la Holland baada ya kumaliza shughuli iliyompeleka.

Rais John Pombe Magufuli akiwapungia wananchi mkono wakati akiondoka katika benki ya CRDB, Tawi la Holland. 

Wakati akikaribia kuingia ndani ilibidi baadhi ya wateja waliyokuwa wakijiandaa kuingia ndani ya benki hiyoi wazuiwe kuingia huku huduma ikiendelea tu kwa wale ambao waliyokwishaingia. Like page yetu ya facebook Jambo Tz. tu-follow instagram @jambotz.

Aidha, baada ya kuingia ndani baadhi ya wateja wa tawi hilo na wananchi wengine walibaki wakishangaa huku wengine wakijiuliza imekuwaje Rais kuingia benki kwa sitaili ile. Baadhi ya wananchi walisema hawajaona tukio kama lile kwa Marais wote waliyopita.

James Charles, ambaye ni dereva wa taxi, alisema baadhi ya wananchi waliyokuwa kwenye eneo hilo baada ya kuona ulinzi unaimarishwa walishituka na mara wakamuona Rais Magufuli akishuka kwenye gari, hali iliyowafanya wafikirie anakwenda kutembelea ofisi yake ya zamani.

“Lakini kufumba na kufumbua tukamuona anaelekea kwenye benki ya CRDB, tukajiuliza vipi rais leo kaamua kuwa kama mteja? Hata hivyo tujui kama hiyo ilikuwa inawezekana. Lazima kutakuwa na kitu. Haiwezekani aende akachukue fedha kwa utaratibu ule. Ngoja tusubiri tutasikia amefuata nini,” alisema Charles.

Joyce Godwin ambaye ni mwanafunzi wa chuo kimojawapo cha elimu ya juu alisema kuja kwake kumewashtua wafanyakazi wa tawi la benki hiyo kwani walidhani alikwenda pale kwa ajili ya kutumbua majipu.

“Mimi wakati Rais Magufuli anaingia nilikuwepo ndani kwenye foleni nikisubiri huduma. Kwa ujumla kila mmoja wetu alishituka lakini hatukujua kilichomleta,” alisema. Like page yetu ya facebook Jambo Tz. tu-follow instagram @jambotz.

ANGALIA PICHA ZA MUONEKANO WA DARAJA LA JIPYA LA KIGAMBONI

Hatimaye ile ndoto ya muda mrefu ya Watanzania kuona daraja la Kigamboni likikamilika imewadia baada ya ujenzi ulioanza mwaka 2012 kukamilika na kesho Aprili, 19 linataraji kuzinduliwa na Rais wa Tanzania, Dkt. John Pombe Magufuli.

Like page yetu ya facebook Jambo Tz. tu-follow instagram @jambotz.

MAGAZETI YA LEO JUMANNE APRILI 19, 2016

Like page yetu ya facebook Jambo Tz. tu-follow instagram @jambotz.

WANAFUNZI WATATU WA KIDATO CHA SITA WASHIKILIWA NA POLISI KWA KUIBA SHULENI

Jeshi la Polisi mkoani Singida linawashikilia wanafunzi watatu wa Shule ya Sekondari Mwenge mjini hapa kwa tuhuma za kuvunja na kuiba vitu mbalimbali kwenye ofisi ya usajili wa wanafunzi katika shule hiyo vinavyokadiliwa kuwa na thamani ya Milioni 1.5.

Kamanda wa Polisi wa Singida, Thobias Sedoyeka aliwataja wanafunzi hao ambao wote ni wa kidato chasSita kuwa ni Emmanuel Mwita (19), Erick Dotto (21) na Pasua Lawrence (20).

Kwa mujibu wa Kamanda Sedoyeka, tukio hilo lilitokea Aprili, 16 mwaka huu majira ya saa 3.30 usiku ambapo inadaiwa wanafunzi hao baada ya kuvunja ofisi hiyo waliiba seti moja ya Kompyuta, “flash disk” yenye ukubwa wa GB 8, “Extension Cable” na rimu 51 za karatasi. Like page yetu ya facebook Jambo Tz. tu-follow instagram @jambotz.

KANE HAKAMATIKI KWA KUTUPIA NYAVUNI EPL

Harry Kane alikuwa miongoni mwa nyota wakati Spurs ikipata ushindi wa mabao 4-0 dhidi ya Stoke jana usiku kwenye dimba la Britania baada ya kuifungia timu yake magoli mawili na kuendeleza ubora wake kwenye ligi msimu huu.

Inafurahisha kuona jamaa alianza ligi kwa ukame wa magoli katika mechi kadhaa na baadhi ya watu kuanza kumsema yeye ni mchezaji wa ku-shine kwa msimu mmoja. Mshambulizi huyo wa England ameendelea kujitengenezea soko na huenda akawa miongoni mwa wachezaji watakao gombewa kwa mkwanja mrefu wakati wa usajili wa dirisha la majira ya joto.

Bayern Munich na Real Madrid inasemekana kuwa ni klabu mbili kubwa zinazofukuzana kumsaini lakini pia inasemekana Aston Villa wanataka kuuza washambuliaji wao wote na kuvunja benki kwa ajili ya kuinasa saini ya mpachika mabao huyo.

Magoli yake mawili ya jana dhidi ya Stoke yamemfanya afikishe jumla ya mabao 24 na kuongoza orodha ya wapachika mabao akifatimwa na Jamie Vardy wa Leicester mwenye magoli 22. Like page yetu ya facebook Jambo Tz. tu-follow instagram @jambotz.

TOTTENHAM YAISOGELEA LEICESTER CITY, YAIPIGA STOKE CITY 4-0

Mchezo mmoja wa Ligi Kuu ya Uingereza umeendelea usiku wa Jumatatu ambapo Stoke City ilikuwa mwenyeji wa Tottenham Hotspur katika uwanja wake wa nyumbani wa Britannia.

Mchezo huo umemalizika kwa wenyeji Stoke City kumaliza mchezo huo kwa kupokea kipigo kutoka kwa Totenham Hotspur cha goli 4-0, magoli ya Tottenham yakifungwa na Harry Kane aliyefunga magoli mawili dk. 9 na 71 na mengine mawili yakifungwa na Dele Alli dk. 67 na 82.

Baada ya matokeo hayo, Tottenham imefikisha alama 68 ikiwa nyuma kwa alama tano na viongozi wa ligi, Leicester City ambao wana alama 63, kwa upande wa Stoke City wao wamemesalia katika nafasi ya tisa ya msimamo wakiwa na alama 47. Like page yetu ya facebook Jambo Tz. tu-follow instagram @jambotz.

MSIMAMO WA LIGI KUU TANZANIA BARA BAADA YA KUCHEZWA KWA MECHI ZA APRIL 13, 2016

Tu-follow instagram @jambotz

WATUMISHI HEWA WAMPONZA MAMA ANNA KILANGO MALECELA

Rais wa Tanzania Dkt John Pombe Magufuli ametengua uteuzi wa mkuu wa mkoa wa Shinyanga kutokana na kuwepo kwa watumishi hewa. Bi Anna Kilango Malecela alitangaza kwenye vyombo vya habari kuwa mkoa wake hakuwa na watumishi hewa.

Ikulu hata hivyo ilifanya uchunguzi wake na kubaini kuwepo kwa wafanyakazi hewa 45 katika awamu ya kwanza. Awamu ya pili ya uchunguzi huo bado inaendelea katika wilaya mbili za Ushetu na Shinyanga Vijijini.

Akiongea Ikulu jijini Dar es Salaam, Rais Magufuli amesema amesikitishwa na hali hiyo na kuagiza mkuu huyo wa mkoa na Katibu Tawala wa Mkoa Abdul Rashid Dachi kuondolewa kazini mara moja.

"Na wale wote wa Shinyanga ambao walisemekana ni zero, hakuna mtumishi hewa, walikuwa tayari wameshalipwa shilingi milioni 339.9, nimejiuliza sana, na nikajiuliza sana na kwa kweli nimejiuliza sana na kwa masikitiko makubwa, kwa nini mkuu wa mkoa alisema hakuna mtumishi hewa?" amesema Dkt Magufuli.

Kwa jumla, zaidi ya wafanyakazi hewa 2,000 waligunduliwa baada ya utathmini kufanywa mikoani. Like page yetu ya facebook Jambo Tz. tu-follow instagram @jambotz.