Rais
Dkt.Jakaya Mrisho Kikwete akipokea ujumbe maalumu kutoka kwa Rais Omar
El Bashir wa Sudan ulioletwa na Mhe.Dkt.Nafie Ali Nafie ikulu jijini Dar
es Salaam leo asubuhi.(picha na Freddy Maro).
Proo
Thursday, February 28, 2013
SASA WATEJA WA NMB KUWEKA PESA ZAO KUPITIA M-PESA
Afisa Mtendaji Mkuu wa NMB
Mark Wiessing,( kulia) na Afisa Mkuu wa Biashara- M-Pesa- Jacques Voogt
wakitia sahihi katika mkataba kam ishara ya ushikiano na makubaliano ya
kumwezesha mteja wa NMB kufanya muamala wowote kwenye akaunti yake kwa
kutumia huduma ya M-Pesa wakati maofisa wa NMB na Vodacom wakishuhudia.
Afisa
Mtendaji Mkuu wa NMB Mark Wiessing,( kulia) na Afisa Mkuu wa Biashara-
M-Pesa- Jacques Voogt wakibadilishana mkataba kama ishara ya ushikiano
na makubaliano ya kumwezesha mteja wa NMB kufanya muamala wowote kwenye
akaunti yake kwa kutumia huduma ya M-Pesa wakati maofisa wa NMB
wakishuhudia.
…………………………………………………………………
NMB leo hii imeweka historia kwa
kuanzisha huduma mpya itakayowawezesha wateja wake nchini kuweza
kuweka amana zao kupitia mawakala zaidi ya 40,000 wa M-Pesa Nchi nzima.
Pia wateja wa NMB wataweza kutuma fedha kutoka NMB kwenda MPESA. NMB na
Vodacom zimezindua huduma hiyo rasmi leo hii kwenye makao makuu ya NMB.
Sasa mtu yeyote au wateja wa NMB
hawatahitaji kwenda ndani ya benki ili kuweka fedha kwenye akaunti kwani
sasa wataweza kuweka fedha kwenye akaunti ya NMB bila kwenda tawini.
Pia sasa wateja zaidi ya 800,000 wa NMB mobile wataweza kutuma fedha
kwenda MPESA.
Akizungumza katika hafla ya
uzinduzi wa huduma hiyo, Dar es Salaam, Afisa Mtendaji Mkuu wa NMB,
Bw.Mark Wiessing, “alisema “Ni huduma ya aina yake ambayo itawezesha
mzunguko wa miamala baina ya wateja na benki kufanyika kwa urahisi na
haraka, jambo litakalosaidia kwa kiasi kikubwa kurahisisha upatikanaji
wa huduma za kibenki sanjari na kuboresha hali ya maisha na uchumi kwa
watanzania wote mijini na vijijini”.
MBUNGE WA JIMBO LA UBUNGO-CHADEMA JOHN MNYIKA:'NCHI IMEINGIA TENA KWENYE MGAWO WA UMEME, SERIKALI IELEZE WANANCHI UKWELI NA HATUA KUHUSU UDHAIFU KWENYE UTEKELEZAJI WA MPANGO WA DHARURA.'
Mbunge wa jimbo la Ubungo-Chadema Mh John Mnyika-
---
Nchi imeingia tena katika mgawo wa umeme kinyume na ahadi iliyotolewa na
Waziri wa Nishati na Madini Prof Sospeter Muhongo bungeni tarehe 28
Julai 2012.
Hali hiyo ni matokeo ya Serikali kutozingatia tahadhari niliyoitoa
bungeni tarehe 27 Julai 2012 kwa niaba ya Kambi Rasmi ya Upinzani na kwa
nyakati mbalimbali kwa nafasi yangu ya Waziri Kivuli wa Nishati na
Madini juu ya hali tete iliyotarajiwa kuwepo na hatua zinazopaswa
kuchukuliwa katika utekelezaji wa mpango wa dharura wa umeme.
Ikiwa ni sehemu ya wajibu wa kibunge wa kuisimamia Serikali nawataka
viongozi na watendaji wa Wizara ya Nishati na Madini na Shirika la Umeme
Nchini (TANESCO) kuacha kuficha hali ya mambo na kuwaeleza ukweli
wananchi kuhusu mgawo wa umeme uliojitokeza na hatua za haraka
zinazochukuliwa kurekebisha hali hiyo.
Iwapo Wizara na TANESCO hawatatoa matangazo ya ukweli kwa wananchi, kwa
nafasi yangu ya Waziri Kivuli wa Nishati na Madini nitaeleza vyanzo vya
mgawo wa umeme uliojitokeza ili hatua ziweze kuchukuliwa wakati huu
ambapo wajumbe wa kamati ya nishati na madini wenye wajibu wa kuisimamia
Serikali kwa niaba ya Bunge katika sekta hizo nyeti hawajateuliwa.
Aidha, pamoja na kutoa maelezo kuhusu mgawo wa umeme, Wizara ya Nishati
na Madini na TANESCO watumie nafasi hiyo pia kueleza hatua
zilizochukuliwa kuhusu ukaguzi wa awamu ya pili kuhusu tuhuma za ufisadi
katika ununuzi wa vifaa na uzalishaji wa umeme wa dharura ikiwemo
kuhusu mafuta mazito ya kuendeshea mitambo ya kufua umeme.
Ikumbukwe kwamba mwanzoni mwezi Agosti 2012 Ofisi ya Mkaguzi Mkuu wa
Hesabu za Serikali (NAOT) iliunda timu ya wakaguzi kufanya ukaguzi
maalum wa hesabu za Shirika la Umeme (TANESCO) kufuatia tuhuma za
ubadhirifu wa fedha za umma zilitajwa bungeni na Waziri Kivuli wa
Nishati na Madini katika maoni ya Kambi Rasmi ya Upinzani tarehe 27
Julai 2012 na Waziri wa Nishati na Madini wakati wa majumuisho ya hoja
ya Serikali tarehe 28 Julai 2012.
Wizara ya Nishati na Madini na TANESCO waeleze pia hatua iliyofikiwa
kuhusu uchunguzi mwingine uliofanywa na Mamlaka ya Udhibiti wa Ununuzi
wa Umma (PPRA) kuanzia mwezi Agosti 2012 wa mchakato wa ununuzi wa
mafuta mazito ya kuendeshea mitambo ya kufua umeme wa dharura kutokana
na tuhuma mbalimbali zilizotolewa bungeni kuhusu ununuzi huo suala
ambalo Kambi Rasmi ya Upinzani ilitaka pia tarehe 27 Julai 2012 liundiwe
kamati teule ya Bunge ili uchunguzi wa kina uweze kufanyika.
Wenu katika uwakilishi wa wananchi,
John Mnyika (Mb)
Waziri Kivuli wa Nishati na Madini
27 Februari 2013
Mtanzania apewa uwaziri Rwanda
RAIS Paul Kagame wa Rwanda amemteua Mtanzania, Profesa Silas
Rwakabamba kuwa Waziri wa Miundombinu wa nchi hiyo katika mabadiliko ya
Baraza la Mawaziri yaliyofanyika Jumatatu iliyopita.
Kabla ya uteuzi huo, Profesa Rwakabamba
alikuwa Mkuu wa Chuo Kikuu cha Taifa cha Rwanda. Ni mmoja wa mawaziri
wanaoingiza sura mpya katika Baraza la Rais Kagame ambalo amelifanyia
mabadiliko kwa kuunda wizara nyingine mpya.
Sura nyingine mpya katika Baraza hilo ambalo liliapishwa juzi Ikulu ya Rwanda ni pamoja na Seraphine Mukantabana (Wakimbizi na Menejimenti ya Maafa) na Oda Gasinzigwa (Ofisi ya Waziri Mkuu- Familia na Jinsia).
Akizungumza kwa simu na mwandishi wetu jana, mdogo wa Profesa Rwakabamba, Timothy Rwamushaija anayeishi Dar es Salaam, alisema ndugu yake alizaliwa katika Kijiji cha Bushagara, Wilaya ya Muleba mkoani Kagera.
Alisema Profesa Rwakabamba alikuwa Mtanzania aliyeamua kuchukua uraia wa Rwanda na wote baba yao ni Mzee Titus Rwamushaija... “Huyu ni kaka yangu wa tumbo moja na kwa kweli tumefurahi sana kwa mafanikio yake sisi kama wanafamilia.”
Naibu Makamu Mkuu - Taaluma wa Chuo Kikuu cha Dar es Salaam(UDSM), Profesa Makenya Maboko alisema Profesa Rwakabamba alifanya kazi katika chuo hicho na aliondoka akiwa Mkuu wa Kitivo cha Uhandisi.
“Aliondoka wakati Kagame alipoingia madarakani na alikwenda kuongoza Taasisi ya Teknolojia ya Kigali (KIST) kabla ya kwenda katika Chuo Kikuu cha Kigali,” alisema Profesa Maboko.
Msomi huyo alikwenda Rwanda mwaka 1997, baada ya kuombwa na Rais Kagame ambaye alikwenda UDSM kuwaomba baadhi ya wahadhiri kwenda Kigali kufungua chuo kikuu katika taifa lake baada ya kumalizika vita ya wenyewe kwa wenyewe mwaka 1994.
Profesa Rwakabamba alikuwa Mkuu wa kwanza wa KIST na kukifanya kuwa miongoni mwa vyuo bora barani Afrika kwa masuala ya teknolojia jambo lililomfurahisha Rais Kagame.
Baada ya mafanikio hayo, Rais Kagame alimteua kuwa Mkuu wa Chuo Kikuu cha Taifa cha Rwanda, Butare ambako pia alijizolea sifa baada ya kusimamia vyema ujenzi wa mabweni kwa wingi na kiongozi huyo alimtunukia uraia wa nchi hiyo kama zawadi.
Hata hivyo, Profesa Rwakabamba atakuwa amelazimika kuukana uraia wa Tanzania kwa kuwa katiba ya nchi hairuhusu uraia wa nchi mbili.
Profesa Rwakabamba alipata elimu ya msingi huko Muleba na akajiunga na Shule ya Sekondari ya Ihungo.
Baada ya hapo, alijiunga na Chuo Kikuu cha Leeds, Uingereza na kupata Shahada ya Uhandisi mwaka 1971 na 1975 alipata Shahada ya Uzamivu katika fani hiyohiyo.
Chanzo: Mwananchi
Tigo yaboresha huduma za mawasiliano na KABAANG
Tigo Tanzania imezindua bidhaa mpya ijulikanayo kama "KABAANG" ambayo itawapa wateja wake fursa ya kupata muda wa maongezi wa bure, kifurushi cha intanet na ujumbe mfupi bila kikomo kwa kujumuisha huduma hizi kuu tatu kwenye kifurushi kimoja.
“KABAANG” ni kifurushi cha wiki ambacho mteja akijiunga anapata dakika 300 za muda wa maongezi ambazo anaweza kuzitumia kupiga simu kwenda mtandao wowote ule, anapata kifurushi cha intaneti na kuweza kutuma ujumbe mfupi bila kikomo.
" Tuliona kuna haja kubwa sana ya kuzindua bidhaa itakayohusisha mahitaji mbalimbali ya wateja wetu kwenye kifurushi kimoja cha bei nafuu na kitakachowapatia wateja matumizi mbalimbali.
Kifurushi hiki cha wiki kinamruhusu mteja kutumia huduma mchanganyiko ipasavyo na kwa bei nafuu kabisa na kitawafaa sana wajasiriamali na waajiriwa wa mashirika mbalimbali kwani kitawawezesha kuwasiliana kwa simu, sms na barua pepe muda wowote wakati wakiendelea na mambo mengine kwa shilingi 9000 tu wateja wa Tigo wanapata huduma nyingi na bora zaidi ” alisema Ndg. William Mpinga, Meneja wa chapa ya Tigo.
Ndg. Mpinga aliendelea kwa kusema " kwa kutumia KABAANG wateja wetu wataweza kuwasiliana vizuri zaidi kwani itapunguza mzigo wa uhitaji wao wa kutaka kuwasiliana kila wakati kwani inawapatia bidhaa iliyojumuisha mahitaji yao makuu ya mawasiliano kikazi na kwenye biashara. Mteja anahitaji laini moja tu ya simu kufurahia bidhaa hii bora kutoka Tigo".
Kutumia kifurushi hiki mteja anabidi atume neno "Kabaang" kwenda 15711, na baada ya hapo atapata ujumbe wa kuadhimisha kujiunga na kuweza kutumia kifurushi. Kabaang inapatikana kwa wateja wote wa Tigo wenye simu zinazotumia intaneti na kinagharimu shilingi 9,000 tu kwa wiki.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein Akutana na Mkurugenzi wa Benki ya Dunia kwa Nchi za Tanzania,Uganda na Burundi, Bw Philippe Dongie Ikulu Zanzibar
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein, akisalimiana na Mkurugenzi wa Benki ya Dunia kwa Nchi za Tanzania,Uganda na Burundi,Philippe Dongie,alipofika Ikulu Mjini Zanzibar kwa ajili ya mazungumzo na Rais,leo.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein, akizungumza na Mkurugenzi wa Benki ya Dunia kwa Nchi za Tanzania,Uganda na Burundi,Philippe Dongie,alipofika Ikulu Mjini Zanzibar leo.Picha na Ramadhan Othman,ikulu-Zanzibar
MASHINDANO YA MPIRA YA MPINGA CUP YAANZA RASMI LEO
oyesterbay , katikati pichani ni Kamanda wa Polisi Kanda Maalum, Seleman Kova akifatiwa na Mkuu wa kikosi cha Usalama barabarani SACP. Mohamed Mpinga.
mashindano ya mpinga Cup yaliyofanyika leo katika viwanja vya polisi
oyesterbay , katikati pichani ni Kanda wa polisi kanda maalumu ya Dar es
Saalam Suleiman Kova akifatiwa na Mkuu wa kikosi cha Usalama barabarani SACP. Mohamed Mpinga
WIZARA INAISUBIRIA TUME KUHUSU MUSTAKABALI KWA WALIOFELI KIDATO CHA NNE
Mulugo aliliambia NIPASHE
kuwa wizara inasubiri Tume iliyoundwa na Waziri Mkuu, Mizengo Pinda, imalize
kufanya kazi yake, ndipo itatoa uamuzi nini kifanyike juu ya wanafunzi hao.
“Kwa sasa siwezi nikasema chochote kwani tume imeundwa ili
kulifanyia kazi jambo hilo, hivyo tunasubiri wamalize kufanya kazi yao ndipo
tutatoa kauli ya nini kifanye juu ya wanafunzi walio feli kama ni kurudia tena
mtihani au la,” alisema Mulugo.
Alitoa ufafanuzi huo baada
ya kuulizwa wizara yake inazungumziaje juu ya mpango wa Mwenyekiti wa Chama Cha
Mapinduzi (CCM) Mkoa wa Iringa, Jesca Msambatavangu kuandaa mafunzo ya kozi ya
muda mfupi kwa vijana wote waliofeli mkoani humo ili kuwapima kama wapo
wanaaoweza kusaidiwa kuendelea na elimu ya cheti.
Msambatavangu alitoa uamuzi
huo baada ya makubaliano yake na baadhi ya vyuo vikuu kama Chuo Kikuu cha
Tumaini (IUCO) na Chuo kikuu cha Ruaha (Ruco) na kukubaliana kutoa mafunzo hayo
yatakayo anza Machi mwaka huu.
Mulogo alisema kuwa ni wazo
lenye mpango mzuri wa kuwasaidia vijana wengi ambao ni kama wamekumbwa na tatizo
kwa sasa, hivyo anacho kifanya Mwenyekiti huyo hakina madhara yoyote na
anafanya kama raia mwema aliyeguswa na matokeo hayo
CHANZO:
NIPASHE
MAPYA YAIBUKA SAKATA LA MTUHUMIWA WA MAUWAJI YA MWANGOSI , WAANDISHI WATIMULIWA
 |
| Hapa mtuhumiwa huyo akikimbiziwa mahabusu ili kukwepa picha ya wanahabari leo |
 |
| Hapa akiingizwa mahakamani leo |
.jpg) |
| Huyu ndie mtuhumiwa wa mauwaji ya Daudi Mwangosi |
SAKATA
la mtuhumiwa wa mauwaji ya aliyekuwa mwandishi wa habari wa
kituo cha
Chanel Ten mkoani Iringa marehemu Daudi Mwangosi askari wa FFU
mwenye namba G2573 Pasificus Cleophace Simoni (23),limeendelea
kuchukua sura mpya baada ya wanahabari kunusurika kichapo kutoka
kwa askari polisi ambao walikuwa wakiwazuia kusogea katika chumba
cha mahakama kusikiliza kesi hiyo .
Askari
polisi hao wakiwa zaidi ya 10 waliweza kutumia nguvu za ziada
katika kuwathibiti wanahabari wa vyombo mbali mbali waliofika
kusikiliza na kuripoti mwenendo wa kesi hiyo namba 1 ya mwaka 2012 ya
mauwaji ya mwanahabari mwenzao ,Mwangosi aliyeuwawa septemba 2 mwaka
2012 katika kijiji cha Nyololo wilaya ya Mufindi wakati wa polisi
walipokuwa wakitumia nguvu
kuwatawanya wafuasi wa chama cha Demokrasia na maendeleo (CHADEMA)
aliokuwa katika shughuli za ufunguzi wa matawi ya chama hicho.
Hata
hivyo moja kati ya mbinu waliyopata kuitumia leo wakati mtuhumiwa
huyo akifikishwa mahakamani hapo ni kuwafukuza waandishi wa habari
eneo hilo la mahakama na kumtoa mtuhumiwa huyo kwa kificho cha hali ya
juu kwa kumweka katikati ya watuhumiwa wa makosa mingine zaidi ya 8
huku mtuhumiwa akijificha sura yake kukwepa kamera za waandishi na
baadhi ya askari wakimkinga
ili kukwepa kupigwa picha.
Tukio
hilo lilitokea muda wa saa 6.10 mchana wakati mtuhumiwa huyo askari
Saimoni alipokuwa akitolewa na watuhumiwa wengine kutoka chumba cha
mahabusu ya mahakama ya hakimu mkazi mkoa wa Iringa na kumpeleka
katika chumba cha mahakama ya wazi kwa ajili ya kesi hiyo kutajwa
tena.
Hivyo
katika hali ya kushangaza ni pale askari hao kuwataka wanahabari
hao kusongea umbali wa mita 710 kutoka eneo la Mahakamani hiyo
wakati mtuhumiwa huyo akiingizwa katika chumba hicho cha mahakama
ya wazi mbele ya hakimu mkazi wa mahakama ya mkoa wa Iringa
Gladys Barthy ili kesi hiyo iweze kutajwa kwa zaidi ya mara ya
tano sasa bila upelelezi kukamilika.
Uamuzi
huo wa askari hao kuwataka wanahabari hao kusimama umbali wa
mita 710 kutoka chumba cha mahakama ulionyesha kuwashangaza hata
baadhi ya wananchi waliofika kusikiliza kesi na kuwawekea dhamana
ndugu zao na kulazimika kuungana na wanahabari kupinga uamuzi huo
na kupelekea askari hao kuwafukuza pia wananchi hao na kuwataka
waungane na wanahabari kuondoka eneo hilo la chumba cha mahakama.
Mbali
ya wanahabari
hao kunyanyasika wakati mtuhumiwa huyo akipelekwa chumba cha
mahakama kwa ajili ya kesi hiyo kutajwa bado askari hao kabla ya
gari la mahabusu (karandinga) kufika na watuhumiwa eneo hilo la
mahakama mida ya saa 5.30 asubuhi bado askari hao walionyesha
kuwanyanyasa wanahabari hao na mara kwa mara kuwatawanya kwa kauli
nzito za maneno kuwataka kuondoka maeneo waliyokusanyika kwa madai
hawapaswi kusikiliza kesi hiyo kwani haipo katika mahakama ya wazi
jambo ambalo halikuwa la kweli.
Wakizungumza
juu ya uamuzi huo wa askari hao kutumia nguvu za ziada katika
kuwathibiti wanahabari hao baadhi ya wananchi walisema kuwa
kinachofanywa na jeshi la polisi mkoani Iringa ni kuzidisha jazba
zaidi kwa wananchi na kuwa hawakupaswa kuwazuia wanahabari
kutimiza wajibu wao.
Alisema
Wistone kalinga kuwa hata wao wananchi wanashindwa kujua sababu
ya polisi kumficha mtuhumiwa huyo wakati tayari amefikishwa
mahakamani
na kuwa kinachofanywa na polisi ni kuzidi kulipaka matope jeshi la
polisi na kuondoa kabisa dhana ya polisi jamii na ulinzi shirikishi
pia uhuru wa vyombo vya habari katika kulitumikia Taifa na wananchi
wake.
Sanjari
na wananchi hao kushangazwa na tukio hilo la polisi kuzuia
wanahabari pia kwa upande wake mahakama hiyo ya hakimu mkazi mkoa
wa mkoa wa Iringa mheshimiwa Barthy alisema kuwa kitendo
kilichofanywa na polisi hao kuwazuia wanahabari si maagizo ya
mahakama na
kuwa wanahabari hao walikuwa huru kuingia kusikiliza kesi hiyo
na kuhabarisha umma kwani hakukiwa na siri wala hakuna maagizo ya
mahakama ya kuwataka polisi kuwafukuza wanahabari mahakamani hapo.
"Kwanza
nawapa pore sana kwa misukosuko mlioipata ....ila mimi nilikuwa
ndani ya mahakamani sikujua kinachoendelea huko nje ya mahakama
ila nawahakikishieni kuwa kesi hii ilikuwa ikisikilizwa katika
mahakama ya wazi na mlikuwa huru kusikiliza "
alisema hakimu huyo akiakimhoji mmoja kati ya viongozi wa polisi
kuhusu polisi hao kunyanyasa wanahabari na kuwataka kutorudia
kufanya hivyo tena.
Mwendesha
mashitaka wa serikali Blandina Manyanda aliiomba mahakama hiyo
kupanga tarehe nyingine ya kutajwa kwa kesi hiyo na kuwa upelelezi
bado haujakamilika na mahakama hiyo kupanga tarehe 14 machi ambapo
kesi hiyo itafikishwa mahakamani hapo kwa ajili ya kutajwa.
MIZINGA MELU IS A NEW NBC MANAGING DIRECTOR
The National Bank of Commerce (NBC) has today announced the appointment of Mizinga Melu as its
Mizinga
is joining NBC from Standard Chartered Bank Zambia where until now she
has been Managing Director since 2007. She takes over from Lawrence
Mafuru, who left the bank in December, 2012.new Managing Director,
subject to regulatory approval. The appointment is with effect from 20th May 2013.
Mizinga
has previously served in senior roles at Standard Chartered, including
as Global Head of Development Organisations in the United Kingdom where
she was responsible for strategy development and implementation as well
as Africa Regional Head of Financial Institutions in Kenya and South
Africa where she led formulation of Standard Chartered’s FI business
strategy in Africa. Prior, she served as Head of Treasury at Standard
Chartered Bank Tanzania between 2000 and 2003.
Mizinga
holds a Masters in Business Administration (MBA) from Henley Management
College (UK) and is an Associate of the Chartered Institute of Bankers
(A.C.I.B). She holds numerous other banking qualifications.
Commenting
on the appointment, Barclays Africa Chief Executive Officer and Head of
Africa Group Strategy, Kennedy Bungane said: “The appointment of
Mizinga reiterates the importance of NBC to our ‘One Africa Strategy’
and we are excited that she is joining us at a time we are making steady
progress towards our goal of becoming the go-to bank in Africa.”
Dr.
Mussa Juma Assad, Chairman of NBC commented: “The board welcomes
Mizinga to NBC and looks forward to working with her in maintaining the
position of NBC as a leading bank in Tanzania.”
Commenting
on her appointment, Mizinga said: “NBC has over the years proven to be
an important financial services provider in Tanzania. I am privileged to
have the opportunity to lead this great bank at this important moment
and I am looking forward to working with every colleague in NBC as we
continue on our journey of transforming the bank in the market.”
Mizinga
will report directly to Kennedy Bungane, Barclays Africa Chief
Executive Officer and will be a member of the Barclays Africa Executive
Committee.
Wednesday, February 27, 2013
LULU AKANA KUJIHUSICHA LA SUALA LA KUOMBA MSAADA
LULU ambaye kwa
sasa yupo uraiani kwa dhamana huku kesi yake ya tuhuma za kuua bila
kukusudia ikiendelea, amesema kuwa hajafungua taasisi yoyote wala
kuomba
misaada kupitia mtandao wa kijamii wa Facebook.
"Nasikia tu kwa watu eti sijui ninataka
wasanii waigizaji kwa ajili ya taasisi yangu, mara nimetoa namba ya simu
watu wanichangie ili nitengeneze filamu, sijafanya kitu kama hicho na
wala siwezi nahitaji kutulia na kuangalia mambo yangu,"alisema.
Hivi karibuni kupitia facebook kumeonekana
akaunti inayotumia picha na majina ya Lulu kwa kuwaomba wadau wa filamu
wamchangie fedha kwa njia ya m-pesa na tigo-pesa.
Lulu anatuhumiwa kuhusika na kifo cha aliyekuwa msanii wa filamu, Steven Kanumba
Tangazo Kutoka Chadema:Shiriki Shindano la Kubuni Nembo Ya Baraza la Vijana wa CHADEMA (BAVICHA)
Deogratias Munishi-Katibu Mkuu - BAVICHA
---
Baraza
la Vijana wa CHADEMA (BAVICHA) liko kwenye mchato wa kutafuta nembo
yake ambayo itakuwa kielelezo cha vijana ndani ya CHADEMA. Nembo hii
itakuwa alama ya utambulisho na inatarajiwa kutumika katika shughuli na
mambo mbali mbali ya vijana ndani ya CHADEMA.
Katika
kufanikisha upatikanaji wa nembo, BAVICHA inatambua uwepo wa vipaji
mbalimbali vikiwemo vya ubunifu miongoni mwa vijana wa Tanzania ambao
baadhi yao ni wanachama na wafuasi wapenda mabadiliko wa Chadema.
Ili
kutoa fursa kwa vijana hawa kutumia vipaji vyao na kutoa mchango wao
kwa Chama na Baraza lao, BAVICHA imeandaa shindano maalumu la ubunifu wa
NEMBO YA BAVICHA na hivyo kukaribisha wale wote ambao wangependa
kushiriki kwa kubuni nembo hii.
VIGEZO MUHIMU VYA KUZINGATIWA
Kwa
wale wote wenye kipaji cha ubunifu na wangependa kushiriki shindano
hili watapaswa kuzingaztia vigezo vifuatavyo katika ubunifu wao;
1. Rangi zitakazotumika ni lazima ziwe zinatokana na rangi kuu za CHADEMA
2. Nembo kuu ya Chama inaweza pia kutumika kubuni nembo ya BAVICHA
3. Mbunifu atoe maana halisi ya nembo atakayoibuni kwa mukhtadha wa vijana na maudhui mapana ya CHADEMA
MTUHUMIWA WA MAUWAJI WA MWANGOSI KUFIKISHWA MAHAKAMANI KESHO
Huyu ndie askari anayetuhumiwa kwa mauwaji ya mwanahabari Daudi Mwangosi atafikishwa tena mahakamani kesho Alhamisi .
MATUKIO YA ZIARA YA MAMA SALMA KIKWETE RUKWA
Mke wa Rais
na Mwenyekiti wa Taasisi ya Wanawake na Maendeleo Mama Salma Kikwete
akipokea zawadi za kimila za kabila la Wafipa, wakati alipokutana na
akina mama wa manispaa ya Sumbawanga kwenye ukumbi wa Manispaa hiyo
tarehe 25.2.2013.
PICHA NA JOHN LUKUWI WA MAELEZO
Akiwa
amevalia vazi la asili la akina mama wa kabila la Wafipa, Mke wa Rais
Mama Salma Kikwete anashiriki kucheza ngoma ya kabila hilo kwenye ukumbi
wa Halmashauri ya Manispaa ya Sumbawanga tarehe 15.2.2013.
Tanzania yasaini bil 90/- za maji ili kupanua Miundombinu ya Maji katika Miji mbalimbali nchini
Wizara ya Maji imesaini mikataba ya upanuzi wa miradi ya maji katika mikoa ya Kigoma, Lindi na Halmashauri ya mji wa Sumbawanga ,makubaliano hayo yaliyofanywa kati ya wizara na Wakandarasi watano.
Akisaini mikataba hiyo jana Makao Makuu ya Wizara Ubungo , Katibu Mkuu wa Wizara ya Maji, Mhandisi Chistopher Sayi aliwataka wakandarasi hao kutekeleza miradi hiyo kwa wakati kama mikataba inavyoeleza.
“Natumia nafasi hii kupongeza wakandarasi wote walioshinda zabuni za kutekeleza miradi hii, lakini pia ni mategemeo yangu miradi yote itafanywa kwa wakati kama ambavyo tumekubaliana katika mikataba hii”. Alisema Mhandisi Sayi.
Wakandarasi waliopata fursa ya kutekeleza ujenzi wa miradi hiyo ni Spencon Services Ltd ambao watahusika na usambazaji na mifumo ya majisafi mkoani Kigoma; Jandu Plumbers na Metito Overseas watahusika na uchimbaji wa visima katika Halmashauri ya mji wa Sumbawanga.
Jandu Plumbers na Metito Overseas watahusika na uchimbaji wa visima mkoani Lindi na Technofab-Gammon Joint usambazaji na mifumo ya majisafi katika Halmashauri ya mji wa Sumbawanga, na Overseas Infrastructure Alliance watahusika na usambazaji wa maji na mifumo ya majisafi mkoani Lindi.
Miradi hiyo ambayo itagharimu takriban shilingi bilioni 90 za kitanzania ambayo imefadhiliwa na Jumuiya ya Umoja wa Ulaya Serikali ya Ujerumani.
CHOCOLATE ZAMPONZA WEMA SEPETU NA KUMFANYA APOTEZE "MENO"
CEO wa Endless Fame Films Wema Sepetu amelazimika kujisamilisha kwa daktari wa meno baada ya ulaji wa chocolate kumponza na hivyo kuozesha baadhi ya meno yake.
Kupitia Instagram, Miss Tanzania huyo wa zamani, ameshare picha akiwa kwenye clinic ya meno kung’oa jino lililokuwa likimsumbua.“Apparently I have 8 cavities…. oh god… does this mean no more chocolate for me,” ameandika. Kwa waliowahi kuumwa na jino wanaujua muziki wake, so get well soon Wema.
Rais Kikwete akagua Ukumbi Wa Mikutano wa Kimataifa jijini Dar es Salaam
Rais
Dkt.Jakaya Mrisho Kikwete akikagua ukumbi mkubwa wa mikutano
multi-purpose conference Hall uliopo mtaa wa Shaaban Robert jijini Dar
es Salaam.Ukumbi huo wa Serikali upo chini ya Wizara ya Mambo ya Nje na
Ushirikiano wa Kimataifa.Ujenzi wa Ukumbi huo uko katika hatua za mwisho
na Rais Kikwete mbali na kuridhishwa na hatua hiyo ametoa maelekezo kwa
wahandisi kutenga sehemu maalumu kwa Wapiga picha na waandishi wa
habari ili waweze kufanya kazi zao kwa ufanisi.Rais Kikwete pia
ameelekeza wahandisi kuweka viti na meza zinazohamishika ili kukidhi
matakwa ya mikutano na vikao vya aina mbalimbali
Rais
Dkt.Jakaya Mrisho Kikwete akikagua ukumbi mkubwa wa mikutano
multi-purpose conference Hall uliopo mtaa wa Shaaban Robert jijini Dar
es Salaam.Ukumbi huo wa Serikali upo chini ya Wizara ya Mambo ya Nje na
Ushirikiano wa Kimataifa.Ujenzi wa Ukumbi huo uko katika hatua za mwisho
na Rais Kikwete mbali na kuridhishwa na hatua hiyo ametoa maelekezo kwa
wahandisi kutenga sehemu maalumu kwa Wapiga picha na waandishi wa
habari ili waweze kufanya kazi zao kwa ufanisi.Rais Kikwete pia
ameelekeza wahandisi kuweka viti na meza zinazohamishika ili kukidhi
matakwa ya mikutano na vikao vya aina mbalimbali.Picha na Freddy MaroMSANII AMTELEKEZA MTOTO STENDI YA UBUNGO
MREMBO aliyewahi kupamba video kadhaa za wasanii wa Bongo Fleva ukiwemo wimbo wa Kidato Kimoja ulioimbwa na J.I, anayekwenda kwa jina la Maya Silemwe, amedaiwa kumtelekeza mwanaye wa kumzaa aitwaye Junior Justine (3).
Akisimulia mkasa mzima ulivyokuwa, shangazi wa mtoto huyo aliyejitambulisha kwa jina moja la Monalisa, alisema wao kama familia wameumizwa sana na kitendo kilichofanywa na Maya.
KUTOKA IKULU,TAARIFA KWA VYOMBO VYA HABARI
TAARIFA KWA VYOMBO VYA HABARI
Rais wa Jamhuri ya Muungano wa Tanzania,
Mheshimiwa Jakaya Mrisho Kikwete amemteua Jaji na Balozi Mstaafu
Mheshimiwa Hamis Amiri Msumi kuwa Mwenyekiti wa BARAZA LA MAADILI.
Taarifa iliyotolewa leo, Jumanne, 26
Februari, 2013 jijini Dar es Salaam na Katibu Mkuu Kiongozi (KMK) Balozi
Ombeni Y. Sefue, inasema kuwa uteuzi huo ulianza Februari 18, mwaka
huu, 2013.
“Mwisho”
Imetolewa na:
Kurugenzi ya Mawasiliano ya Rais,
Ikulu.
DAR ES SALAAM.
26 Februari, 2013
Kurugenzi ya Mawasiliano ya Rais,
Ikulu.
DAR ES SALAAM.
26 Februari, 2013
Leo ni kilele cha maadhimisho ya kumbukumbu ya mashujaa wa vita vya majimaji nchini Tanzania.
Mkuu wa Mkoa wa Ruvuma Bw. Said Thabiti Mwambungu.
Maadhimisho
ya vita vya Majimaji yenye lengo la kuwakumbuka mashujaa zaidi ya 67
walionyongwa Februari 27 mwaka 1906 na kuzikwa katika kaburi moja wakiwa
katika harakati za kuung’oa ukoloni wa Wajerumani yamafikia kilele leo
mkoani Ruvuma.
Maadhimisho
hayo yameandaliwa kitaifa na Wizara ya Maliasili na Utalii kwa
kushirikiana na mkoa wa Ruvuma yanafikia kilele leo katika makumbusho ya
Vita vya Majimaji mjini Songea.
Mkuu
wa Mkoa wa Ruvuma Bw. Said Thabiti Mwambungu amesema wakazi wa mji wa
Songea na viunga vyake pamoja na wananchi kutoka mikoa ya jirani
wamejitokeza katika maadhimisho hayo.
Serikali ya Uganda yakusudia kuwanunulia wabunge wote toleo jipya la iPads kupunguza gharama za steshenari.
Chama
cha Forum for Democratic Change (FDC) kimepokea na kukubali mpango wa
serikali ya Uganda wa kununua toleo jipya kabisa la iPads kwa ajili ya
wabunge, lakini kimesema wabunge hao wakopeshwe na sio wapewe bure.
Msemaji
wa Chama hicho Wafula Oguttu ambae pia ni mbunge, amesema pendekezo la
kununua iPads halikataliwi lakini hakuna sababu ya kuwapa bure na badala
yake wapewe kwa mkopo.
Serikali ya Uganda imepanga kununua iPads za kisasa na kuwapatia wabunge kwa lengo la kupunguza gharama ya steshenari.
Uamuzi huo ulichukuliwa hivi karibuni na Kamati ya Bunge na unasubiri utekelezaji kwa Kamati ya Mikataba.
Benedict XVI to hold final papal audience in Vatican.
Crowds
have begun gathering in St Peter’s Square in the Vatican for the Pope’s
final general audience before his resignation on Thursday.
Papal audiences are normally held inside a Vatican hall in the winter.
But such is the level of interest that the event is being held outdoors and 50,000 tickets have been requested.
As many as 200,000 people may attend.
After Benedict XVI steps down on Thursday, he will become known as “pope emeritus”.
There has been no papal resignation since Pope Gregory XII abdicated in 1415.
The
surprise announcement of Benedict’s abdication has required the rules
of electing a successor to be changed to allow the next pope to be
chosen before Holy Week, which leads up to Easter.
On
Wednesday, the Pope, 85, will be making one of his last public
appearances – using his trademark white “popemobile” to greet pilgrims
in St Peter’s Square.
Waziri Mkuu afanya mazungumzo na Mdhibiti na Mkaguzi Mkuu wa Serikali kutoka Sweden.
Waziri
Mkuu wa Tanzania Mh. Mizengo Pinda akifurahia jambo wakati wa
mazungumzo na Mdhibiti na Mkaguzi Mkuu wa Hesabu za Serikali Bw.
Ludovick Utouh (kushoto) na Mkaguzi Mkuu wa hesabu za Serikali wa
Sweden Jan Lindahr Hjelmaker. (Picha na Ofisi ya Waziri Mkuu).
Tuesday, February 26, 2013
CRDB yawa benki pekee Tanzania kupata cheti cha Superbrands kwa miaka miwili mfululizo.
Mkurugenzi
kutoka taasisi ya Superbrand, Jawad Jaffer akitoa maelezo kwa wageni
waalikwa juu ya kitabu cha orodha ya kampuni zilizotunukiwa hadhi ya
Superbrand.
Kaimu
Mkurugenzi Mtendaji wa Benki ya CRDB-Uendeshaji na huduma kwa wateja
Saugata Bandyopadhyay(kulia) akipokea cheti cha Superbrand kutoka kwa
mkurugenzi wa Superbrands ukanda wa Afrika Mashariki, Jawad Jaffer.
Baadhi ya wageni walio hudhuria tafrija hiyo.
Mkurugenzi
wa Masoko, Utafiti na Huduma kwa wateja wa Benki ya CRDB, Tully Esther
Mwambapa akizungumza na Kaimu Mkurugenzi Mtendaji wa Benki ya
CRDB-Uendeshaji na huduma kwa wateja Saugata Bandyopadhyay wakati wa
tafrija ya kupokea cheti cha Superbrand
Mkurugenzi
wa Masoko, Utafiti na Huduma kwa wateja wa Benki ya CRDB, Tully Esther
Mwambapa akizungumza na waandishi wahabari juu ya sababu zilizoipaisha
Benki ya CRDB hadi kutunikiwa cheti cha Superbrand kwa mara ya tatu
mfululizo pia mikakati ya benki hiyo katika kuboresha huduma zake ili
kuendeleza rekodi yake ya kupata cheti hicho kila mwaka.
WAZIRI WA MAMBO YA NJE YA NCHI WA OMAN AKUTANA NA RAIS WA ZANZIBAR
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein, akimkabidhi zawadi ya Mlango wa Zanzibar, Waziri wa Mambo ya Nje wa Oman,Yussuf bin Alawi Bin Abdullah,alipofika Ikulu Mjini Zanzibar akiwa na Ujumbe wake leo.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akizungumza na Ujumbe wa Serikali ya Watu wa Oman,ukiongozwa na Waziri wa Mambo ya Nje wa Oman,Yussuf bin Alawi Bin Abdullah,(wa pili kulia) alipofika Ikulu Mjini Zanzibar akiwa na Ujumbe wake leo,kwa ajili ya Mazungumzo na Rais. Picha na Ramadhan Othman,IKulu.
Subscribe to:
Posts (Atom)
Pro
LinkWithin
