MAGAZETI YA LEO APRIL 5, 2013

KAJALA APEWA SHAVU JINGINE NA WEMA...........!!!!

Muigizaji na Miss Tanzania wa zamani Wema Sepetu amesema licha ya kumsainisha Kajala Masanja kwenye kampuni yake, hategemei kumfanyisha kazi kurudisha shilingi milioni 13 alizomtolea kwenye hukumu yake.

Akiongea kwenye kipindi cha XXL, Wema amesema Kajala atakuwa akifanya kazi zake lakini atakuwa akimlipa kama kawaida. Kwa kuanza Kajala ataigiza kama mhusika mkuu kwenye filamu iitwayo Princess Sasha.

“Tutaenda kuishoot nje ya Dar, ninataka kuishoot mandhari fulani hivi kama ya kijijini. Ni mtoto wa mfalme, Kajala ndo atakuwa Princess Sasha, she is going to be the main character, “ alisema Wema.

DAWA MPYA ZA KIENYEJI ZA KUKUZA MAKALIO ZAWATEKA WAREMBO WENGI

BAADA ya zile dawa za Kichina za kuongeza makalio, ‘hips’ na matiti zilizotikisa Bongo na kubainika kubeba madhara makubwa kama vile ‘kalio’ moja kuwa kubwa kuliko lingine, kujazia zaidi chini kuliko juu na mwili kufa ganzi, zilikosa soko, lakini sasa zimeibuka nyingine za kienyeji

Uchunguzi uliofanywa na audifacejackson blog kupitia kwa wataalam mbalimbali wa tiba za asili TANZANIA , ulibaini kuwa dawa hizo zimejaa tele kwa waganga wa kienyeji.

KAJALA, WEMA NA PREZZO WAFUMWA WAKILA BATA MAENEO

Wema katika pose na Prezzo  & don't get it twisted guys hii ilikuwa kikazi zaidi

Prezzo akishow love kwa warembo wetu Kajala & Wema

Wamependeza eeee??

JOKATE KUKITANGAZA KIMATAIFA KIKUNDI CHA WANAHABARI

Aliyewahi kuwa Miss Tanzania namba mbili mwaka 2006 Jokate Mwegelo alijitolea kuwafungulia website kikundi hicho ili kiweze kujitangaza na kutambulika ndani na nje ya nchi.

Jokate alisema kuwa ili kikundi hicho kifanikiwe ni lazima wajitambue na kuwe na timu imara ambayo itakuwa makini na nia thabiti ya kujiinua kimaisha na kukuza uchumi wa Taifa.

"Mafanikio niliyokuwa nayo si kwasababu mimi ni bilionea bali ni kutokana na ushirikiano tuliokuwa nao mimi na wenzangu hadi tukafanikiwa kuwa na kampuni inayojulikana kama kidoti". Alisema Jokate.

Aliongeza kuwa japo kuwa wanakabiliana na changamoto mbalimbali lakini wanaendelea vizuri na biashara ambapo mbali na kuuza nywele tunatarajia kuuza vipodozi pamoja na nguo

Mbali na hilo alisema kuwa ili wafanikiwe ni lazima wawe na upendo ili kila mtu aweze kuwa huru na kueleza kile anachokiona kina manufaa katika kikundi.

Tigo yadhamini Ngorongoro Marathoni

Kampuni ya mtandao wa simu za mkononi ya Tigo imedhamini Mbio za Sita za Ngorongoro Marathon zenye lengo la kupambana na ugonjwa wa malaria zinazotarajiwa ‘kutimua vumbi’jumamosi ya Aprili 6, mwaka huu  katika mji mdogo wa Karatu, mkoani Arusha. Ufunguzi wa mbio hizo utafanywa na Naibu waziri wa Maliasili na Utalii Mh. Lazaro Nyalandu.

Meneja Chapa wa Tigo Bw. William Mpinga alisema kuwa, kwa mwaka huu kampuni hiyo imetoa  fedha taslimu, simu za kisasa kabisa za mkonaoni pamoja na muda wa hewani kwa mshindi wa kwanza wa kundi la wanaume na mshindi wa kwanza kwa kundi la wanawake.

“Tigo kwa kuwajali Watanzania, tumeona umuhimu mkubwa sana wa kuunga mkono juhudi zinazofanywa na serikali katika mapambapo dhidi ya malaria ambayo imekuwa ikipoteza maisha ya watu wengi wa rika mbalimbali kupitia mbio hizi…” alifafnua Mpinga. Kwa upande wake Mratibu wa ZARA Charity ambao ndio waandaji wa mbio hizo Bw, Datus Joseph alifafanua kuwa, pamoja na kusaidia mapambano dhidi ya malaria, mbio za Ngorongoro Marathon pia zinasaidia kukuza utalii wa ndani na nje ya nchi.

“Mbio hizi ni za Sita tangu kuanzishwa kwake na Tigo wameendeea kutupa ‘support’ na tunawashukuru sana kwa kuendelea kuwa wadhamini wetu…” alifafanua Joseph. Aliendelea kufafanua kuwa, ZARA Charity inawashukuru wadhamini mbalimbali wa mbio hizo ambazo zimekuwa za mafaniko makubwa.

PICHA ZA RAMANI YA UJENZI WA UWANJA WA YANGA, HIVI NDIVYO UTAVYOKUA

Ramani ya uwanja mpya wa klabu ya Yanga - Kaunda Stadium unavyoekana kwa ndani
 
 Kampuni ya Beinjing Construction Engineering Group (BCEG) kutoka nchini China, ambayo mwishoni mwa mwaka jana ilisaini makubaliano ya upembuzi akinifu juu ya ujenzi wa uwanja wa mpira wa miguu (Kaunda stadium) leo imewasilisha michoro na makadirio ya bajeti ya ujenzi wa Uwanja mpya eneo la Jangwani.
Kaimu meneja wa kampuni ya BCEG Zhang Chengwei David amesema upembuzi akinifu umekamilika kuhusiana na suala la ujenzi wa uwanja wa mpya wa klabu ya Yanga eneo la jangwani ambapo taratibu za makadirio na michoro imekamilika tayari na leo kuwasilishwa kwa uongozi wa klabu ya Yanga.

MAMLAKA YA VIWANJA VYA NDEGE YATOA UFAFANUZI KUHUSU UWANJA WA SONGWE KUITWA JAKAYA KIKWETE

MKURUGENZI MKUU WA MAMLAKA YA VIWANJA VYA NDEGE NCHINI BW. SULEIMAN SULEIMAN AKIZUNGUMZIA UGUMU WA KUBADILISHA JINA LA SONGWE KUITWA JAKAYA KIKWETE

MKURUGENZI MKUU WA MAMLAKA YA VIWANJA VYA NDEGE BW.SULEIMAN SULEIMAN AKIFAFANUA KWA WAANDISHI WA HABARI JUU YA UTARATIBU WA JINA LA VIWANJA VYA NDEGE VYA KIMATAIFA ULIVYO

CHEK PICHA ZA NDOA YA COMEDIAN KUPA ILIYOFANYIKA WEEKEND ILIYOPITA

 Weekend iliyopita comedian maarufu “Kupa” alifunga ndoa na mke wake ambapo sherehe yao ilihudhuriwa na wasanii wenzake kibao kutoka bongomovie unit. Cheki mpango mzima ulivyokuwa siku ya siku na wasanii walivyopendeza kwenye party hiyo. Short list ya wasanii waliofika kwenye party hiyo ambayo MC alikuwa Dr Cheni ni Ray,JB,Nisha,Irene Uwoya,Wolper na wengine wengi.

WEMA SEPETU AMSUPRISE MARTIN KADINDA KWA BOOOOOOONGE LA KEKI NA MSHIKO WA MAANA

ahahahhha a this woman is something Else.. baada ya kukurukakala zangu Wema sepetu  aliniita nyumbani kwake.... as soon as i got there nitwishwa boooooonge la keki... You i was like whaaat?

hakuishia hapo.... mkononi kashika nini hapo?? usisonye sasa... hahha

SHILOLE, Q-CHILLAH WAFUMWA LAIVU WAKIWA KATIKA MAHABA

Aibu hiyo ilitokea Machi 29, mwaka huu ambayo ilikuwa Ijumaa Kuu ambapo wasanii hao walikuwa wakitoka Dar kwenda Mwanza kwa ajili ya kufanya shoo siku ya Pasaka. Akilisimulia gazeti hili, shuhuda wetu aliyekuwemo ndani ya ndege hiyo (jina tunalo) alisema aliwaona Shilole na Q-Chillah wakiwa katika ‘malovee’ ambapo mara kwa mara walikuwa wakipigana mabusu kitendo kilichowafanya abiria wengine kuwakodolea macho yenye kuwashangaa.

Airtel, Samsung wakubaliana kukuza soka la vijana: Airtel Rising Stars Awamu ya tatu kuanza mwishoni mwa mwezi huu

Kampuni ya simu za mkononi ya Airtel inayofanya kazi pamoja na kampuni ya Samsung zimesaini makubaliano ya kushirikiana kudhamini mashindano makubwa Afrika kwa vijana wa chini ya miaka 17. 

Katika mkataba huo wa mamilioni ya dola, Samsung pia itakuwa mtoaji rasmi wa vifaa vya mawasiliano kwenye mpango huo wa mashindano maarufu kama Airtel Raising Star (ARS) unaoendeshwa na Airtel. 

Airtel inatoa huduma za mawasiliano kwa simu za mkononi kwenye nchi 20 barani Asia na Africa huku Samsung ikiwa ni miongoni mwa makampuni makubwa ya vifaa vya kisasa vya elektoniki.

Chadema wamtuhumu Mwakyembe kutoa zabuni kinyume cha sheria

Chama cha Demokrasia na Maendeleo (Chadema) kimemtuhumu Waziri wa Uchukuzi, Dk Harrison Mwakyembe kwamba alitoa zabuni ya ujenzi wa bandari ya nchikavu kwa kampuni inayomilikiwa na Chama Cha Mapinduzi (CCM), kinyume cha sheria za ununuzi. Chadema walisema jana kwamba, kampuni hiyo ni Jitegemee Trading Company ambayo ilipewa zabuni ya ujenzi wa bandari katika Viwanja vya Sukita pasipokuwa na mchakato wa kushindanisha kampuni nyingine. 

Mkurugenzi wa Oganaizesheni na Mafunzo wa Chadema, Benson Kigaila alisema: “Mwakyembe aseme alitoa zabuni hiyo kwa Jitegemee kwa kuzingatia vigezo gani? Kampuni ngapi zilishindanishwa katika mchakato huo na asipofanya hivyo hastahili kukaa wizarani hapo bali alipelekwa Segerea gerezani kwani ni kosa kubwa kutoa zabuni kinyemela.”

Hata hivyo, Dk Mwakyembe, ambaye yuko jimboni kwake Kyela mkoani Mbeya alipoulizwa kuhusu madai hayo alijibu na kukata simu; “Mimi nina kazi ya kuongoza wizara na wao Chadema wana kazi ya kuchonga mdomo, hivyo waache mimi niongoze Serikali.

MAUNO YA WOLPER YAWACHENGUA WATU UKUMBINI

  VIUNO alivyokatika  staa maarufu wa filamu, Jacqueline Wolper viliwachengua ile mbaya watu waliohudhuria harusi ya wasanii maarufu wa Bongo Movies, Jimmy Mafufu na Idrissa Makupa ‘Kupa’.Tukio hilo lilitokea hivi karibuni katika Ukumbi wa Urafiki uliopo Ubungo, jijini Dar baada ya  wasanii kwenda mbele ya ukumbi kwa zamu na kuonyesha uhodari wa kuyarudi mangoma ambapo ilipofika zamu ya Wolper, alionekana kuwazidi wenzake kwa utundu wa kucheza.
Baada ya kuonesha vitu adimu ambavyo havikuoneshwa na staa yeyote kati ya waliomtangulia, wageni waalikwa walishangilia na kupiga makofi hadi aliporejea sehemu aliyokaa awali.

RAY ASALIMU AMRI JUU YA FILAMU YAKE INAYO SHUTUMIWA KUUDHALILISHA UKATOLIKI

 

Cover la filamu hiyo ya Sister Marry.

HATIMA ya filamu ya mwigizaji, Vincent Kigosi ‘Ray’, Sister Mary iliyokuwa imezuiwa kwa kudaiwa kudhalilisha ukatoliki, imefahamika kuwa mwigizaji huyo amesalimu amri ya viongozi wa kanisa hilo.Kanisa Katoliki nchini linaloongozwa na Muadhama Polycarp Kadinali Pengo, liliizuia filamu hiyo kwa kile kilichodaiwa kuwa ilikuwa ikionesha udhalilishaji kwa namna ambavyo watawa wamevaa mavazi mafupi.

Baadhi ya vipande vilivyomo katika filamu hiyo.

Akipiga stori na paparazi wetu, Ray amebainisha kuwa baada ya kuambiwa achomoe vipande vingi kwenye filamu hiyo, ameona ni bora kuachana nayo kwani hata akitoa haitaleta maana hivyo atakujairudia upya wakati mwingine. “Asilimia 85 ya filamu niliigizia kanisani na ndivyo walivyosema niviondoe, sina ujanja kwa sasa nimeanza kushuti filamu nyingine kabisa ile labda nije kuirudia upya hapo baadaye,” alisema Ray.