JAJI MKUU WA UGANDA MHE. ODOKI AKUTANA NA WAJUMBE WA TUME YA KATIBA

Jaji Mkuu wa Uganda Mhe. Benjamin Odoki (kushoto) akiongea na Wajumbe wa Tume ya Mabadiliko ya Katiba katika ofisi za Tume jijini Dar es Salaam leo (alhamisi Feb. 14 2013) kuhusu uzoefu wake katika uandishi na utekelezaji wa Katiba. Jaji Odoki aliongoza Tume ya Katiba ya Uganda iliyoundwa mwaka 1989. Kulia ni Mwenyekiti wa Tume Jaji Joseph Warioba.

Jaji Mkuu wa Uganda Mhe. Benjamin Odoki (kulia) akiongea na Mwenyekiti wa Tume ya Mabadiliko ya Katiba katika ofisi za Tume jijini Dar es Salaam. Jaji Odoki, ambaye aliongoza Tume ya Katiba ya Uganda iliyoundwa mwaka 1989, amekutana na Wajumbe wa Tume leo (alhamisi Feb. 14, 2013) na kuzungumzia uzoefu wake kuhusu uandishi na utekelezaji wa Katiba Mpya.

Katibu wa Tume ya Mabadiliko ya Katiba, Bw. Assaa Rashid (kushoto) akimkaribisha Jaji Mkuu wa Uganda, Mhe. Benjamin Odoki (katikati) mara baada ya kuwasili katika ofisi za makao makuu ya Tume hiyo Jijini Dar es Salaam leo (alhamisi Feb 14, 2013) na kulia ni Mjumbe wa Sekretarieti ya Tume, Bw. Joseph Ndunguru. Jaji Odoki, ambaye aliongoza Tume ya Katiba ya Uganda iliyoundwa mwaka 1989, amekutana na Wajumbe wa Tume na kuzungumzia uzoefu wake kuhusu uandishi na utekelezaji wa Katiba Mpya

SPIKA WA BUNGE ANNA MAKINDA AONGEZEWA ULINZI

SPIKA wa Bunge, Anne Makinda ameongezewa ulinzi pamoja na kubadilishiwa namba za gari analotumia kutokana na vitisho anavyovipata kutoka kwa wananchi ambao wamekuwa wakimtumia ujumbe wa simu.

Taarifa ambazo Mwananchi imezipata zinaeleza kuwa hatua hiyo imekuja baada ya viongozi wa Chadema kutoa namba za Spika na kuzigawa kwa wafuasi wake waliofika kwenye mkutano uliofanyika kwenye Viwanja vya Mwembe Yanga, jijini Dar es Salaam hivi karibuni ili wamtumie ujumbe mfupi wa simu.

Hivi karibuni gazeti hili liliripoti kuwa Spika Makinda amepokea ujumbe mfupi wa simu zaidi ya 400 na kupigiwa simu zinazofikia 200 za kumkashifu na vitisho.

Taarifa zilizopatikana jana zinaeleza kuwa Spika Makinda amekuwa akitumiwa ujumbe mfupi wa vitisho ambavyo inaonyesha kuwa wananchi wana hasira naye na ndiyo maana ameongezewa ulinzi.

Vyanzo vyetu vya habari vimeeleza kuwa gari la Spika Makinda limebadilishwa namba kwa kuondolewa herufi S ambayo humaanisha Spika na kuwekwa namba nyingine ambazo bado hazijajulikana.

“Watu wanaomtumia ‘meseji’ wana hasira, wanaweza kumdhuru na ndiyo maana ameongezewa ulinzi. Hata magari yake aliyokuwa akitumia yamebadilishwa na kupewa mengine tofauti,” kilieleza chanzo chetu cha habari.

Spika Makinda mwenyewe alipopigiwa simu ili kueleza kuhusu suala hilo la kuongezewa walinzi simu yake ilikuwa ikiita tu bila kupokelewa.

Katibu wa Bunge, Dk Thomas Kashililah naye simu yake ilikuwa ikiita tu bila kupokelewa.Tangu Chadema wagawe namba hiyo baada ya kumtuhumu Spika pamoja na msaidizi wake, Job Ndugai kuwa amekuwa akipindisha kanuni wakati wa kuliongoza Bunge.

Taarifa zilieleza kuwa wamekuwa wakisumbuliwa na kutumiwa ujumbe za vitisho.Wakati hayo yakitokea, tayari Ofisi ya Bunge imesema itawachukulia hatua kali wale wote waliotumia lugha chafu kwa ujumbe mfupi ama kupiga moja kwa moja kwa Spika na Naibu wake.

Katibu Mkuu wa Bunge, Dk Kashililah juzi alisema kuwa kutoa namba si tatizo, bali kuzitumia namba hizo kinyume na taratibu ndiyo haitakiwi, jambo ambalo linaweza kusababisha baadhi yao kuchukuliwa hatua za kisheria.

“Wote waliotoa lugha za matusi kwa Spika Makinda na Naibu Ndugai watachukuliwa hatua za kisheria.

Tutawatafuta kwa njia zote, hii itasaidia kuwa fundisho kwa watu wenye tabia kama hizo ambao wanapewa namba kwa manufaa ya wananchi, lakini wanazitumia kinyume chake,” alionya Kashililah.

“Tutawasaka kwa kila hali, tutawabaini tu kwa kushirikiliana na idara mbalimbali ikiwemo Mamlaka ya Mawasiliano Tanzania (TCRA) na Polisi ili wachukuliwe hatua kali.”

Mkurugenzi wa Habari na Uenezi wa Chadema, John Mnyika alipoulizwa jana kuhusu msimamo wa chama chake baada ya kutoa namba hizo kwa wananchi alisema; “Bunge halijatuuliza ila wakituuliza tutajibu.”

WIVU WA PENZI LA MAINDA WAMFANYA RAY NA STEVEN NYERERE WAKOSANE

MASTAA wawili wenye majina makubwa ndani ya Bongo Movies, Vincent Kigosi ‘Ray’ na Steven Mengere ‘Steve Nyerere’ wanadaiwa kuwa kwenye bifu zito kisa kikielezwa kuwa ni mwigizaji , Ruth Suka ‘Mainda’, 

Kwa mujibu wa vyanzo makini vilivyo karibu na mastaa hao, hofu imetanda kwamba huenda wawili hao wakazama kwenye ugomvi kama ule wa Ray na marehemu Steven Kanumba.

“Ugomvi wa Ray na marehemu ulikuwa mdogo ila ulikuzwa na alipofariki dunia Kanumba kuliibuka mambo mengi sana, naomba marafiki wa dhati wa wawili hawa wakae nao ili kuweka mambo sawa,” ’ alisema mwigizaji mmoja.

Inadaiwa kuwa chanzo cha yote ni pale Steve Nyerere alipoanzisha kampuni ya kazi zake za sanaa akimshirikisha Mainda, jambo linalosemekana kumkera Ray aliyekuwa akifanya kazi na mwigizaji huyo wa kike chini ya Kampuni ya RJ Production.

“Kuna wakati eti Ray huwa hapendi kumuona mtu akiwa karibu na Mainda, mara nyingi huwa anakuwa na wivu kwa kuwa anahisi kuna kitu zaidi ya kazi,” kilisema chanzo kingine na kusisitiza kuwa Ray alimpiga ‘stop’ Mainda kushirikiana na Steve Nyerere huku suala la wivu wa kimapenzi likitajwa.

Ilidaiwa kuwa kabla ya mtafaruku huo, Steve Nyerere na Ray walikuwa ni maswahiba lakini sasa wamegeuka chui na paka na katika kutafuta ‘sosi’ ya yote hayo, ndipo Mainda akatajwa.

Vyanzo hivyo vilifunguka kuwa hali hiyo ilizua tafrani kubwa kwa kuwa tayari filamu ya Steve Nyerere (jina kapuni) ilikuwa imeanza kurekodiwa.


Baada ya kupata taarifa hizi, mwandishi aliwatafuta wahusika, wa kwanza alikuwa Steve Nyerere, alipoulizwa kuhusiana na hilo alikiri kutokea kwa ishu hiyo.

“Ni kweli mimi na Ray ni chui na paka lakini sitaweza kukwambia sababu ya ugomvi wetu kwa kuwa nitaibua mambo mengi sana, kipindi hiki nipo katika kubadilisha maisha yangu,” alisema Steve Nyerere.

Ray alipotafutwa kwa simu ya kiganjani hakupatikana na hata alipofuatwa ofisini kwake Sinza-Mori, Dar hakuwepo.

Kwa upande wake Mainda, simu yake iliita bila kupokelewa hivyo jitihada za kuwapata wawili hao ili nao wafunguke ya moyoni mwao zinaendelea.

VAZI LA MBUNGE SHYROSE BHANJI LAZUA UTATA BAADA YA KUKIANIKA "KITOVU" CHAKE

VAZI alilotinga Mbunge wa Bunge la Afrika Mashariki, Shyrose Bhanji limezua utata kufuatia kuonesha sehemu yake ya tumboni (kitovu). 

Utata huo umekuja mara baada ya picha inayomuonesha mbunge huyo akiwa amejipara  na kuvalia vazi hilo ambalo linamuonesha sehemu hiyo nyeti na kutupiwa mtandaoni.

“Jamani huu ni utata sasa, inakuwaje mheshimiwa anatinga vazi kama hili? Haya mambo bora angewaachia mastaa wadogo, umri wake haufanani na mambo haya!” aliandika mdau mtandaoni

ASKOFU AMANI: TUMEINGILIWA NA SARATANI YA UVUNJIFU WA AMANI

Askofu wa Jimbo la Moshi la Kanisa Katoliki Tanzania, Askofu Isaac Amani Massawe amesema kuwa Tanzania imeingiliwa na ugonjwa wa saratani wa kuvunja amani na utulivu na Watanzania wasipobalika na kukubatia amani watajuta.

Amesema kuwa baada ya miaka 50 ya Uhuru, Watanzania sasa wamefungua ukurasa mpya na nchi imeanza kupoteza sifa ya kuwa nchi ya amani na utulivu.

Aidha, amesema kuwa wajibu wa watu kuishi kwa amani siyo wajibu wa Serikali ama wa Dini ama wa Kanisa bali ni wa kila mtu kwa nafsi yake.

Askofu Amani ameyasema hayo leo, Alhamisi, Februari 14, 2013 wakati alipokuwa anatoa neno la shukurani baada ya kumalizika kwa Ibada ya Mazishi ya aliyekuwa Askofu Jimbo la Moshi, Askofu Mstahivu Amedeus Peter Msarikie katika Kanisa Kuu la Kristo Mfalme mjini Moshi.

Askofu amewaambia mamia kwa mamia ya waumini: “Tumefungua ukurasa mpya katika Tanzania. Baada ya miaka 50 ya amani na utulivu sasa tumebadilika. Tanzania ya leo siyo Tanzania ya zamani sasa tumeanza kuongozwa na misingi ya vurugu za kidini na vurugu za kifedha.”

Ameuliza Baba Askofu Amani: “Tumeelimika zaidi ama tumechoka amani? Tumeingiwa na saratani ya uvunjifu wa amani na migawanyiko kwa misingi ya kidini na kifedha na mingine ya aina mbali mbali. Njia nzuri ya kuagana na mzee wetu Askofu Msarikie ni kuishi maisha aliyoishi yeye- maisha ya amani na utulivu. Yeye alikuwa chombo cha amani na anapumzika kwa amani kwa sababu aliishi maisha ya amani.”

Ameongeza: “Kuishi kwa amani na utulivu siyo suala wala wajibu wa Serikali ama wa Kanisa ama wa Dini ni wajibu wa kila mtu kwa nafsi yake na kila mmojawetu anao wajibu wa kusali ili kuombea amani ambayo imedumu katika nchi yetu kwa miaka mingi sana – miaka 50 sasa lakini inaonyesha kila dalili ya kutoweka.”

Amesisitiza: “Ndugu zangu amani hairithishwi, amani hujengwa na hulindwa. Changamoto alichotuachia Askofu Msarikie ni kutafuta na kuilinda amani katika nchi yetu. Huwezi kuwa mtu wa vurugu na mvunja amani na bado ukapata starehe ya milele mbele ya Mwenyezi Mungu. Sasa ni wakati wa kulea taifa letu, kulitengeneza upya na tumwombe Mungu atusaidie katika safari hii ndefu.”

MAANDALIZI YA NYAMA YA FARASI INAYOLALAMIKIWA KUUZWA KWA WANANCHI UINGEREZA

Wafanyakazi wa Kampuni Spanghero, inayosambaza nyama nchini Uingereza wakiandaa nyama hiyo tayari kwa kupaki katika vifuko kwa kuwauzia wateja wao, ambapo hivi sasa Kampuni hiyo inaandamwa kwa kudaiwa kuwauzia wateja wake nyama ya Farasi badala ya nyama ya Ng'ombe. Imeelezwa kuwa wateja wa kampuni hiyo wamekuwa wakifurahia huduma hiyo wanayoipata kwa bei nafuu tofauti na awali.

RAIS KIKWETE ASHIRIKI IBADA YA MAZISHI YA MAREHEMU ASKOFU MSTAAFU JIMBO KATOLIKI MOSHI MHASHAMU AMEDEUS MSARIKIE

Rais Dkt.Jakaya Mrisho Kikwete akitoa heshima za Mwisho mbele ya jeneza la Askofu Mtsaafu jimbo Katoliki la Moshi Marehemu Mhashamu Amedeus Msarikie wakati wa misa ya Mazishi iliyofanyika katika kanisa na Kristu Mfalme, mjini Moshi leo.


Rais Dkt.Jakaya Mrisho Kikwete akiweka udongo katika kaburi la Askofu Mstaafu Jimbo katoliki la Moshi,Marehemu Mhashamu Amedeus Msarikie wakati wa ibada ya mazishi Iliyofanyika katika Kanisa la Kristu Mfalme mjni Moshi leo



Rais Dkt.Jakaya Mrisho Kikwete akiweka shada la maua katika kaburi la Askofu Mstaafu jimbo Katoloki la Moshi Marehemu Mhashamu Amedeus Msarikie wakati wa ibada ya mazishi Iliyofanyika katika Kanisa la Kristu Mfalme mjni Moshi leo. Picha na Freddy Maro wa Ikulu

CHADEMA yawakumbuka wagonjwa siku ya wapendanao

Chama cha Demokrasia na Maendeleo 'CHADEMA' leo katika siku ya wapendanao ''Valentine's Day'' wameiadhimisha kwa kutembelea wagonjwa katika hospitali ya Mwananyamala ambayo iko katik Halmashauri ya Manisipaa ya Kinondoni. Matembezi hayo yaliongozwa na madiwani na viongozi wa jimbo na kata na matawi na wanachama wengine wa CHADEMA.

''Siku ya leo CHADEMA tumefanya usafi; kufagia, kufyeka, kukusanya takataka, kusikiliza changamoto zinazowakabiri wagonjwa na wauguzi, pia katika kuonyesha ishara ya upendo katika siku hii tumewaletea wagonjwa vitu mbalimbali ikiwemo mikate, juice, maji, sabuni nakadhalika.'' Alikaririwa mmoja wa makanda

JAMBO TZ Blog Wishes You a Happy Valentines Day

KAMPUNI YA BIA YA TANZANIA (TBL) YATOA BASI KWAAJILI YA TIMU YA TAIFA

Mwanariadha Oscar Pistorius amuua mpenzi wake kwa risasi. “Valentine’s Day surprise that went tragically wrong”.

 Mwanariadha Oscar Pistorius alipokuwa katika mashindano ya Olympic mwaka 2012 mjini London.

Mwanariadha na mshindi wa medali za dhahabu wa Paralympic raia wa Afrika Kusini, Oscar Pistorius, amekamatwa  nyumbani kwake mjini Pretoria kwa kosa la kumuua mpenzi wake baada ya kumpiga risasi moja kichwani na nyingine mkononi , majeraha yaliyopelekea kifo cha binti huyo.

Chanzo cha Pistorius kumsuti mpenzi wake bado hakijaeleweka, japo fununu za awali zinadai uenda Pistorius alijichanganya na kudhani amevamiwa na mwizi/jambazi kutokana na hali mbaya ya uhalifu anayoikabili nchi ya Afrika Kusini.

Binti huyo Reeva Steenkamp, (30) mwanamitindo alilenga kumsuprise Pistorius kwaajili ya valentine.

Msemaji wa Polisi aliliambia shirika la habari la Reuters “tumekuta pisto ya mm9 eneo la tukio, na mtuhumiwa amepelekwa kituoni kwaajili ya utaratibu mwingine”.

Pistorius mwenye miaka 26 maarufu kama “blade runner” amekuwa ni mlemavu wa kwanza kushiriki Olympic mbali na mashindano yao maalum ya Paralympic , hukimbia riadha kwa kutumia vifaa maalum vilivyofungwa miguuni kwake,  baada ya kuzaliwa bila miguu yote miwili.

 

Mpenzi wa Pistorius, Mwanamitindo  Reeva Steenkamp aliyepigwa risasi na kupoteza maisha.

 Oscar Pistorius akiwa na mpenzi wake   Reeva Steenkamp November 2012.

Zimbabwe kuipigia kura Katiba mpya.

Waziri mkuu wa Zimbabwe Morgan Tsvangirai anasema nchi hiyo inatarajiwa kufanya uchaguzi wa bunge na urais mwezi Julai baada ya kupiga kura  maoni juu ya katiba mpya mwezi Machi.

 Alisema hayo  Jumatano baada ya waziri wa maswala ya katiba Eric Matunenga  kupanga tarehe ya Machi 16 kwa ajili ya kupiga kura ya maoni.

 Katika mkutano na waandishi wa habari huko Harare , Matinenga alieleza wasi wasi wake kuwa muda hautoshi na pengine muda zaidi huenda ukahitajika kwa ajili ya uchaguzi wa Machi.

 Baraza la kitaifa la bunge (NCA) ambalo linajumiwsha makundi  ya harakati za kidemokrasia   huko Zimbabwe  limesema  litapinga tarehe  upigaji kura wa maoni  hapo Machi 16 mahakamani .

Katika mahojiano na Sauti ya Amerika mwenyekiti NCA Lovemore  Madhuku amesema kundi lake linataka serikali itoe kipindi cha mdahalo cha  miezi miwili hivi  kabla ya wapiga kura kufanya uamuzi wao juu ya katiba mpya.

 Chama cha Bw. Tsvangirai cha MDC na kile cha  rais Robert Mugabe cha ZANU PF wote wanaunga mkono  mabadiliko hayo mapya.

 Jumuiya ya maendeleo ya Afrika Kusini inataka  katiba mpya  iidhinishwe kabla  ya Zimbabwe kufanya uchaguzi mkuu.

TANESCO, Symbion Power signs MOU for a joint venture in 400MW Mtwara plant

 

TANESCO and Symbion Power today signed a Memorandum of Understanding for building and operating a 400MW power plant in Mtwara through a Public Private Partnership.  The work will include the construction of a 650 km transmission backbone from Mtwara to Songea where it will be connected to the TANESCO national grid through a line that will be built from Makambako to Songea.

This development will be phased and it will take three years from financial closure to completion.  The first phase will involve increasing the existing capacity in Mtwara to meet the growing demand in the southern regions including Lindi and Mtwara.  Engineering study work will commence in March.

TANESCO and Symbion have been in discussions since Symbion presented a proposal to TANESCO and the Ministry of Energy in September 2012.  This has now led to the signing of the board-approved MOU that allows the two companies to form a Public Private Partnership and develop the project.  It will take around 12 months to put the necessary financing in place before the three-year clock begins to tick.

Speaking at the signing of the MOU in Dar es Salaam, Paul Hinks, the Chief Executive Officer of Symbion Power said, “The south of this country has been starved of energy for decades and this has severely stunted its development.  This project will succeed because it includes transmission lines that will feed the grid system.  The transmission lines will be owned exclusively by TANESCO but they will be built as a part of the project.”

“Symbion and TANESCO will be working with a number of international funding agencies, banks and private equity firms in 2013 to put the financial package together, many of whom have already expressed great interest in the project.   We are hopeful that U.S. government agencies such as the U.S. Exim Bank and the U.S. Overseas Private Investment Corporation will show keen interest in the investment too.”

“In the three years since Symbion came to Tanzania we have seen rapid development and improved network stability.  Tanzania will in the future have an abundance of gas and it can become entirely self sufficient and even a regional exporter to countries that are not blessed with the fuel resources that are available in the country.  The days of complete reliance on rain-driven hydro electric systems are gone and alternative sources of power need to be implemented to ensure that there is security of supply.”

Speaking during the signing event, TANESCO’s Acting Managing Director Eng. Felchesmi Mramba said, “For many years the Southern part of the country has been suffering from poor power reliability due to the region not being connected to the National Grid. However, through this planned partnership, Lindi, Mtwara and Ruvuma will be connected to the National Grid.  Connecting the Southern regions to the National grid will significantly improve reliability of the entire network.  This is one of the ways TANESCO can benefit from the PPP arrangement whereby the Public and Private sector join forces to undertake projects that would otherwise be difficult to implement.”

Wabunge wa Tanzania kukomeshwa kwa kufuta Matangazo ya moja kwa moja ya Televisheni

 

Katibu wa Bunge la Jamhuri ya Muungano wa Tanzania Dkt. Thomas Kashilila akitoa ufafanuzi kwa waandishi wa habari kuhusu ukiukwaji wa kanuni za bunge uliofanywa na baadhi ya wabunge wakati wa mkutano wa 10 wa bunge uliomalizika mjini Dodoma na mabadiliko yaliyofanyika kwa baadhi ya kamati kuondolewa pamoja na uundwaji wa kamati mpya 3 zitakazoshughulikia Ushirikiano wa Afrika, Mashariki, Bajeti, Tawala za Mikoa na Serikali za Mitaa. (

Katibu wa Bunge Dk Thomas Kashilila akizungumza na Wanahabari jijini Dar es Salaam wakati akitoa taarifa ya mapendekezo ya kuanzisha kamati ya bajeti na kuvunjwa kwa baadhi ya kamati za bunge amesema Bunge linatarajia kufuta utaratibu wa kurusha matangazo ya moja kwa moja (LIVE) kupitia televisheni kwa  nia ya kukomesha vitendo vya baadhi ya Wabunge wanaokikuka kwa makusudi Kanuni za Bunge na kuleta vurugu kwa kutafuta umaarufu bila na hivyo kutoa picha mbaya katika jamii.

Akasema ili kurejeza maadili kwa sasa wameomba kufutwa utaratibu wa kurusha matangazo ya bunge ya moja kwa moja badala yake watarekodi ili kuondoa hoja zisizokuwa za msingi.

Akasema jamii imeendelea kutazama mabishano yasiyokuwa na hoja za msingi kutokana na kukiukwa kanuni hizo.

Dk Kashilila amesema kuwa kwa sasa kuna baadhi ya kamati za bunge ambazo zimevunjwa kutokana na baadhi ya kamati hizo kuingilia katika utendaji jambo ambalo limekuwa likipoteza maana ya kamati hizo.

Ameahidi kuwa ofisi yake itaendelea kushirikiana na vyombo vya habari katika utoaji wa taarifa mbalimbali za bunge pamoja na uandaaji wa mafunzo ya mara kwa mara kwa waandishi wanaoandika habari za bunge, huku akiwasisitiza waandishi wa habari kuitumia ipasavyo ofisi yake kupata  taarifa sahihi za kuwasaidia katika uandishi.

Pinda akutana na Mkurugenzi wa WFP na Ujumbe Wabunge wa Ujerumani

Waziri Mkuu, Mizengo Pinda akizungumza na Mkurugenzi Mtendaji wa Mpango wa Chakula Duniani (WFP), Bibi Ertharin Cousin Ofisini kwake jijini Dar es salaam Februari 13, 2013. (Picha na Ofisi ya Waziri Mkuu).

Waziri Mkuu, Mizengo Pinda akizungumza na wajumbe wa Kamati ya Bajeti ya bunge la Ujerumani walipomtembelea, Ofisini kwake jijini Dar es salaam Februari 13, 2012.

Waziri Mkuu, Mizengo Pinda akiwa katika picha ya pamoja na Wajumbe wa Kamati ya Bajeti ya bunge la Ujerumani baada ya kuzungumza nao, Ofisini kwake Februari 13, 2012.Kushoto ni Waziri wa Nchi Ofisi ya Waziri Mkuu, William Lukuvi